web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet pronari i veturës nga e cila u vra Oliver Ivanoviç

17 Janar 2018, 18:34, Aktualitet CNA

Automjeti nga ku u qëllua për vdekje lideri i serbëve të Kosovës, i ndjeri Oliver Ivanovië, më ngjesin e të martës ishte një vetura e tipit “Opel Astra” që u gjet gjysmë e djegur, pak kilometra larg vendit të krimit. Ajo u konfiskua nga ekspertët me shpresën se nëpërmjet zbulimit të pronarit të saj dhe ndonjë gjurme të lenë do të mund të hidhej dritë mbi autorët e vrasjes kriminale.

Mirëpo pas hetimit ka dalë se e vlerësuara si provë e rendësishme nuk ka ndihmuar në ecjen e hetimit për zbulimin e autorit(apo autorëve) të vrasjes pasi ka dalë se ?Opel Astra? është në pronësi të një serbi me shtetësi austriake, që sakaq rezultontë jetë i vdekur.

Gazeta “Vecernje Novosti”, e sjellë në shqip nga ?Zeri.Info?, ka raportuar se automjeti të cilin autoritetet kosovare kanë konfirmuar se janë duke e ekzaminuar, është e regjistruar në pronësi të një personi që nuk jeton më.

Sipas medias serbe, pronari i saj që ka vdekur 70 vjeç, është një shtetas austriak me prejardhje serbe.

Pas djegies së provës së pronësisë së makinës Policia njofton se janë duke u nxjerrë, analizuar dhe vlerësuar video-incizimet e nxjerra nga kamerat e sigurisë, të cilat janë marrë në vendin e ngjarjes apo që ndërlidhen me vendin e ngjarjes.

?Në kuadër të veprimeve hetimore është identifikuar një veturë e djegur, e tipit ?Opel Astra? ngjyrë hiri, veturë e cila dyshohet të jetë e përfshirë në këtë rast. Gjithashtu kemi arritur të gjurmojmë në nivel vendi por edhe ndërkombëtar të dhënat lidhur me qarkullimin si dhe pronarin/poseduesin e kësaj veture?, thuhet në njoftimin e PK-së.

Njëzetë e katër orë pas vrasjes së Oliver Ivanoviqit, autoritetet kosovare ende nuk kanë identifikuar asnjë të dyshuar për vrasjen e ish-deputetit serb të Kosovës./CNA.al





Lajmet e fundit nga