web counter
LEXO PA REKLAMA!

SHKARKO APP

App Store
Google Play

Beretat do të jenë trend i padiskutueshëm këtë vit, por si t'i vishni?

15 Janar 2018, 23:30, Aktualitet CNA

E keni vënë re se si të gjithë kanë një beretë në ditët e sotme? Trendi që u rikthye në 2017-tën, mendohet të shpërthejë në 2018-tën dhe për hir të së vërtetës duket bukur. Por jo të gjithë dinë të mbajnë bereta dhe nëse s?e mban natyrshëm një aksesor, nuk do duket bukur. Prandaj merrni ca këshilla të vogla dhe provojeni. Mund të jeni njeri beretash, apo kapelesh dhe nuk e kishit zbuluar asnjëherë, deri tani.

Fillimisht duhet të blini një beretë. E lështë apo lëkurë, kjo është zgjedhja juaj, por blini një të lirë, kështu edhe nëse nuk e vishni apo e humbisni, nuk do t?ju dhembë shumë.

1. Kur ta vendosni sigurohuni që nyja në majë të beretës të qëndrojë në pjesën e prapme të kokës tuaj.

2. Vendosni shiritin e beretës në ballë.

3. Tërhiqeni pjesën tjetër të beretës në pjesën e mbrapme të kokës.

4. Pozicionojeni sipas dëshirës, në anë të kokës apo mbrapa.

Si gjithnjë, këshilla e vetme kur vishni beretën është t?i mbani gjërat sa më thjeshtë. Vishuni sikur nuk do të mbani një beretë dhe në fund, para se të dilni nga shtëpia, vendosni aksesorin tuaj të ri. Eksperimentoni me ngjyrat dhe bizhuteritë, shumë preferojnë t?i mbajnë me perla, por në të tilla raste, ju vendosni sipas preferencave tuaja.

Dhe në fund të ditës, beretat janë zgjidhje e shpejtë dhe shumë efikase për të fshehur flokët e pakrehur apo të palarë. Një beretë në kokë dhe do të duket e gjitha e qëllimshme për të arritur stilin tuaj parizien-chic./CityNews





Lajmet e fundit nga