web counter
LEXO PA REKLAMA!

SHKARKO APP

App Store
Google Play

Si do veprohet me borxhlinjtë e vjetër të ujit të pijshëm

12 Janar 2018, 18:05, Aktualitet CNA

Ndërkohë që fundi i muajit janar është kufiri pas të cilit do të nisë gjuetia ndaj të gjithë qytetarëve që nuk lidhin kontrata furnizimi me ujë me Ujësjellësin, institucionet e pushtetit vendor duhet të hartojnë politika lehtësuese për të gjithë ata qytetarë të cilët janë debitor ndër vite ndaj ndërmarrjeve të ujësjellës kanalizimeve.

Kjo ka qenë një nga deklaratat e bëra sot nga ministri i Energjisë dhe Infrastrukturës, Damian Gjiknuri, i cili ka shpjeguar edhe rrugën që do të ndiqet në ditët e ardhëshme, pas përfundimit të afatit të vendosur nga qeveria për lidhjen e kontratave. Por, ndërkohë, Gjiknuri ka gjetur rastin tu bëjë thirrje edhe drejtuesve të bashkive të aplikojnë ndaj borxhlinjve të njejtën praktike si me debitë e energjisë elektrike që ka aplikuar Operatori i Shpërndarjes së Energjisë Elektrike me faturat e papaguara të energjisë.

?Dua t?u bëj thirrje edhe bashkive që të miratojnë skema lehtësuese për borxhlinjtë e vjetër apo njerëzit që kanë akumuluar borxhe për shkak të mungesës së interesit apo fatkeqësisht edhe punës jo të mirë të ujësjellësave dhe bashkive përkatëse. Çfarë do të thotë? Skema lehtësuese njësoj siç bëmë me Operatorin e Shpërndarjes së Energjisë Elektrike, për t?i shtrirë borxhet e vjetra në vite, për t?i dhënë mundësinë qytetarëve të mos rëndohen përnjëherë me pagesën e faturave që ujit që janë të akumuluara me vite. Është shumë e rëndësishme, kjo është në dobi të qytetarëve, pagesa e ujit është siguri për furnizimin me ujë. Nuk ka rrugë tjetër! Po nuk e paguam ujin ashtu siç e paguajmë edhe energjinë elektrike qeveria shqiptare do ta ketë të pamundur të kryejë gjithë ato investime të nevojshme për të gjithë ato zona të Shqipërisë të cilat fatkeqësisht akoma nuk kanë një rrjet modern të ujësjellës/kanalizimeve?, ka thenë ministri Gjiknuri, nga Përmeti ku ishte duke inspektuar kantierin e punimeve për rehabilitimin e ujësjellësit të këtij qytetit. / CityNews





Lajmet e fundit nga