web counter
LEXO PA REKLAMA!

SHKARKO APP

App Store
Google Play

E fundit!

x

Drejtorët e rinj të burgjeve, aktivistë të PS-së

12 Janar 2018, 16:37, Aktualitet CNA

Ministria e Drejtësisë publikoi një ditë më parë emrat e 24 drejtorëve të rinj të burgjeve, që sipas saj kanë dalë nga konkursi, por të paktën 5 prej tyre rezultojnë aktivistë dhe ish-zyrtarë të Partisë Socialiste.

Bëhet fjalë për Fatjon Kurtin, të emëruar Drejtor i Burgut të Burrelit, pozicion ky që e mbante edhe më herët, por që u largua nga detyra nga ministri Teknik i Drejtësisë, Gazmend Bardhi, pasi rezultoi shkelës i ligjit duke marrë pjesë në fushatat e PS.

Një tjetër emër është Ilira Aliaj, i emëruar drejtor i Qendrës së Paraburgimit në Vlorë. Ai ka qenë kryetar i PS për këtë qytet.

Drejtori i ri i Burgut të Lushnjës është Judmir Shurdhi. Edhe ky vjen direkt nga radhët e PS, pasi ka qenë Këshilltar i PS në Këshillin Bashkiak të Lushnjës. po ashtu ai ka qenë drejtor në këtë bashki si dhe koordinator elektoral për Partinë Socialiste.

Andis Salla, pjesë e strukturave të FRESSH-it (Forumi Rinor Euro-Socialist i Shqipërisë) është emëruar drejtori i burgut të Elbasanit. Mësohet se ai ka qenë aktiv në fushatën e fundit të PS-së në këtë qark.

Po ashtu edhe Emin Shpata, me përvojë në Policinë e Shtetit, mësohet se në fushatën e fundit ka qenë aktiv në qarkun e Elbasanit në mbështetje të Partisë Socialiste.

Këto emra krijojnë dyshimet nëse ka qenë me të vërtetë një konkurs i drejtë, apo i ndikuar nga pjesëmarrja në fushatë dhe aktiviteti në parti. /CityNews





Lajmet e fundit nga