web counter
LEXO PA REKLAMA!

SHKARKO APP

App Store
Google Play

E fundit!

x

Ish-drejtuesi Fusha i komanduar si drejtues prokurorie apo për 3 dosje ekonomike?!

8 Janar 2018, 21:57, Aktualitet CNA

Ish-drejtuesi i prokurorisë së Tiranës Petrit Fusha, dyshohet se ka futur disa herë veten e tij si prokuror i gatshëm ditëve të shtuna, dhe shpesh herë ka kërkuar të shpërblehet financiarisht për gadishmërinë e kryer.

Por këto kërkesa dyshohet se Fusha, i ka kryer edhe për ditët kur ka qënë jashtë shtetit, gjë e cila nuk është miratuar nga drejtuesit financiarë të Prokurorisë së Përgjithshme.

E habitshme është se si një prokuror që gëzon një pasuri financiare dhe kapitale të konsiderueshme, caktonte veten e tij për gadishmëri, me qëllim për të përfituar një shpërblim prej 100 mijë lekë të vjetra në muaj.

Në disa raste kjo ka ndodhur edhe kur Fusha mendohet se ka qënë jashtë shtetit, ndaj dhe nga drejtuesit e Financave të Prokurorisë së Përgjithshme është refuzuar dhënia e këtij shpërblimi.

Ajo që ka ngritur shumë dyshime dhe që mbetet mister, është se Petrit Fusha ka qënë i komanduar jo si drejtues i Tiranës, por si prokuror që do studjonte dhe hetonte tre procedime penale që kanë të bëjnë për krime financiare.

Po të treja këto procedime mësohet ti kenë pasur dy prokurorë të tjerë të kësaj prokurorie, të cilët ja kanë kaluar policisë së Tiranës për zbulim autori dosjet.

Dosjet bëjnë fjalë për krim financiar dhe se janë referuar nga Drejtoria e Tatimeve. /KombiNews





Lajmet e fundit nga