E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Zbardhen diskutimet me dyer të mbyllura në Asamblenë e PS: Rama ultimatum për “shkrirjen” e LSI-së

7 Janar 2018, 10:51, Aktualitet CNA

Partia Socialiste ka ndezur dje motorët për të eliminuar Lëvizjen Socialsite për Integrim nga jeta politike. Në ambientet e një hoteli në periferi të Tiranës, ditën e djeshme socialistët mbajtën mbledhjen e Asamblesë Kombëtare, ku u trajtuan një sërë çështjesh.

Qëllimi i këtij takimi ishte hartimi i axhendës politike të vitit 2018, teksa fokusi kryesor do të jenë dy qëllime, siç është pastrimi i administratës publike nga militantët e LSI dhe zgjedhjet vendore të 2019. Përveç fjalimeve në prani të mediave, drejtuesit e asamblesë zhvilluan një takim me dyer të mbyllura me gjithë krerët e degëve të partive, ndërkohë që kanë qenë të pranishëm edhe disa deputetë si dhe ministra.

Kështu, në emër të kryeministrit ka folur sekretari i Përgjithshëm i Partisë Socialiste, Taulant Balla, i cili ka deklaruar se Rama është i pakënaqur me reformën në administratë. Balla u ka bërë të ditur se vetë kreu i ekzekutivit është i pakënaqur me kryetarët e degëve, deputetët, ministrat dhe krerët e degëve, duke nënvizuar se Rama do t?i ndëshkojë, në rast se nuk largojnë njerëzit e Lëvizjes Socialsite për Integrim nga administrata publike.

Nga ana tjetër, Balla ka shtuar se porosia e kryeministrit Edi Rama për strukturat e partisë lidhet edhe me një tjetër aspekt të rëndësishëm siç është çelja e fushatës së zgjedhjeve vendore, pavarësisht se duhet edhe gati një vit e gjysmë. Dhe sa i takon kësaj, Balla ka urdhëruar strukturat e Partisë Socialiste që të punojnë fort duke rikthyer në parti gjithë militantët e LSI që i janë bashkuar kësaj force politike qysh kohë më parë.

Kjo do të thotë se LSI në mandatin e parë duhet të shkojë e ?gjymtuar? dhe e rrudhur në këto zgjedhje, me qëllimin final ?shkrirjen? e kësaj force politike. Megjithatë, Balla ndezjen e motorëve të fushatës së zgjedhjeve vendore e ka lidhur edhe me një tjetër çështje, teksa ka nënvizuar se fituesi i këtyre zgjedhjeve, sipas tij, është edhe triumfator i zgjedhjeve parlamentare të vitit 2021.

Punësimi dhe premtimet

Një tjetër pikë e rëndësishme ku u fokusua dje mbledhja me dyer të mbyllura ka të bëjë me punësimet dhe premtimet e qeverisë. Gjatë diskutimit të këtyre dy çështjeve, Sekretari i Përgjithshëm i PS, Taulant Balla ua ka bërë të qartë krerëve të degëve, deputetëve dhe ministrave se kryeministri Rama ka kërkuar që punësimi do jetë prioritar gjatë këtij viti, ku më të privilegjuarit do jenë ata persona që gëzojnë respekt në komunitet dhe plotësojnë kriteret profesionale.

Ndërkohë që pika tjetër ka të bëjë me mbajtjen e premtimeve të dhëna nga qeveria. Dhe pikërisht sa i takon kësaj, Balla ka qenë i prerë se premtimet duhet të mbahen, sidomos ato që janë jetike dhe lidhen drejtpërdrejt me shërbimet e qytetarëve, aq më tepër që jemi përpara zgjedhjeve vendore.

Identifikimi i ?tradhtarëve?

Ashtu siç edhe e bëri të ditur gjatë fjalës së tij përpara Asamblesë, që ka edhe persona që kanë punuar kundër partisë në fushatë, Balla sërish e ka prekur këtë temë në takimin me dyer të mbyllura. Në mbledhje, Sekretari i Përgjithshëm ka qenë i prerë duke kërkuar që të gjithë ata që kanë punuar kundër partisë duhet të identifikohen.

Ndërsa një tjetër çështje që u diskutua ka të bëjë me dixhitalizimin e regjistrit të anëtarësisë së partisë, më konkretisht Balla ka kërkuar që për këtë viti partia duhet të ketë shtim anëtarësh, që sipas tij, pjesëmarrja e grave duhet të dominojë. Ndërkohë që Balla u ka bërë të qartë edhe një tjetër porosi të kryeministrit, duke iu thënë se reforma në arsim si dhe ajo në drejtësi duhet të vijoj me ritme të larta./SOT