web counter
LEXO PA REKLAMA!

SHKARKO APP

App Store
Google Play

Hodhën eksploziv në oborr të fqinjit/ Arrestohen dy vëllezërit

2 Janar 2018, 17:38, Aktualitet CNA

Një ngjarje e rëndë raportohet të ketë ndodhur në Shkodër, ku në oborrin e një shtetasi me incialet P.P. , 58 vjeç është hedhur lëndë shpërthyese, nga dy persona vëllezër me njëri-tjetrin.

Policia ka arritur të zbardhë ngjarjen dhe ka arrestuar dy shtetasit me iniciale K.P,  22 vjeç, dhe P. P, 24 vjeç, banues në fshatin  Stajkë, Njësia Administrative Bushat, Vua Dejës,  (vellezër).

Në njoftimin e policisë thuhet:

?Pas hetimeve intensive të kryera nga  Sektori për Hetimin e Krimeve të Rënda në Drejtorinë Vendore të Policisë Shkodër, në bashkëpunim me Prokurorinë e Rrethit Shkodër është  dokumentuar me prova ligjore, ku si rezultat janë arrestuar në flagrancë shtetasit:

K.P,  22 vjeç, dhe P. P, 24 vjeç, banues në fshatin  Stajkë, Njësia Administrative Bushat, Vua Dejës,  (vellezër).

Arrestimi i vëllezërve Palushaj u bë pasi në fshatin Paçram, Bushat, Vau Dejës,  rreth orës 01.40 dyshohet se kanë hedhur në oborrin e banesës së shtetasit P.P  58 vjeç, një sasi lënde shpërthyese të prodhuar në mënyrë artizanale, ku si pasojë e shpërthimit  është dëmtuar automjeti tip Benz  të shtetasit P. P.

Dyshohet se dy vëllezërit e kanë hedhur lëndën shpërthyese në shenjë hakmarrje si pasojë e një konflikti për motive të dobëta të ndodhur disa kohë më parë me shtetasin P.P.?

Policia I ka referuar materialet përkatëse për veprime të mëtejshme në Prokurori. /CityNews





Lajmet e fundit nga