Nga Artur AJAZI/ KURUM dhe FERROCROM helmojnë Elbasanin

1 Janar 2018, 20:10, Aktualitet CNA

Smogu mbulon qytetin edhe ditët e festave

Burime nga qyteti Elbasanit i thanë ?CityNews.al? se ?përgjatë gjithë javës së fundit të dhjetorit 2017 dhe sidomos gjatë dy ditëve të festës së Vitit të Ri, qyteti është mbuluar nga një smog i ardhur nga oxhaqet e kompanisë turke KURUM dhe uzinës së FERROCROM-Albania, të cilët nuk kanë rreshtur së helmuari ajrin, banesat dhe gjithçka tjetër mbi tokë, pasi nuk përdorin sistemin e filtrave?. Mungesa e kontrollit nga Ministria e Mjedisit dhe Agjensia Rajonale e Mjedisit Elbasan, ka toleruar që dy kompanitë e para e çelikut dhe e dyta e mineralit të kromit, të shkelin ligjet e shtetit shqiptar, duke abuzuar dhe duke blerë ndoshta edhe heshtjen e qeveritarëve.

Qyteti Elbasanit me një popullsi mbi 230 mijë banorë , pas prishjes së ish-Kombinatit Metalurgjik, prej afro 18 vitesh po vuan sërish ndotjen nga papërgjegjshmeria e një kompanie turke e cila ka vite që ble qeveritarë, ministra e kryeministra, duke u toleruar të punojë jashtë kushteve teknike dhe higjenike, duke ndotur qytetin, fushat, banesat dhe bagëtitë, pasi në asnjë rast nuk përdor sistemin e filtrave edhe pse ato janë instaluar prej vitesh. Mungesa e funksionimit të sistemit të filtrave, ka krijuar një ndotje masive të fshatrave Bradashesh, Shijon, Katundi Ri, Vidhas, Papër, dhe ndotja nuk ka munguar prej disa ditësh edhe në qytetin e Elbasanit. Banorët ankohen se ndjejnë erën e keqe të ndjgjes së metaleve sapo bie nata dhe kjo zgjat deri në orët e para të mëngjesit. Kompania turke KURUM, prej 2 vitesh edhe pse e ka shpallur falimentin, punon, ndot dhe fiton milionat, mbi ligjet dhe jetën e shqiptareve. Qeveria Rama, Ministria e Mjedisit dhe Agjensia e përgjumur e Mjedisit në Elbasanit, duhet urgjentisht të nisin verifikimet dhe kontrollet e ndotjes që po shqetëson banorët e fshatrave dhe qytetit të Elbasanit, dhe të ndëshkojnë sipas ligjit KURUM dhe FERROKROM-Albania.

Mjekët në Elbasan japin alarmin prej vitesh se ?ndotja nga këto dy kompani po rrit ndjeshëm numrin e të sëmurëve me sëmundje kronike, po ndot ajrin , ujin, token, gjithçka tjetër, ndaj duhen marrë masa urgjente dhe jot ë tolerohen dy kompani mashtruese të cilat deklarojnë se ?nuk ndotim asgjë?. Mbetet detyrë edhe e qytetareve të Elbasanit, ti thonë ?NDAL? këtyre dy kuçedrave ndotëse, të ngrihen dhe të kërkojnë prej tyre dhe Qeverisë Rama ?Ose vendosjen e pandërprerë të sistemit të filtrave nga ky kompanitë ndotëse, ose reagimi ndaj tyre do të jetë ekstrem?.