E fundit!

11:34 Politikë

Përplasje për reformën zgjedhore, PS i çon Kuvendit propozimin për shtyrjen e afatit

Procesi i reformës zgjedhore do të vijojë edhe në muajt e ...

Historia dhimbshme të vajzës nga komuniteti egjiptian/ Priten surpriza

31 Dhjetor 2017, 13:07, Aktualitet CNA

Eriglisa është një e re nga komuniteti “egjiptian”. Ajo ishte sot në rubrikën “Një mesazh për ty!”, në emisionin “E diela shqiptare” në televizionin Klan, e cila ka publikuar historinë e jetës së saj dhe peripecive të kaluara.

Eriglisa tregoi sesi jeta e ka përballur me shumë peripeci që në moshë të vogël, ku i është dashur që 7 vjeçe të shërbejë në shtëpi si një “zonjë” shtëpie ku ka gatuar edhe bukën vetë. Më pas ka punuar edhe duke mbledhur hekurishte apo sende të tjera të cilat mund t’i shiste dhe të fitonte disa të ardhura për familjen e saj. Ajo kishte menduar të ftonte nënën e saj për ta falenderuar për gjithçka, por tha se kishte ndërruar mendje.

Eriglisa u teksa tregoi peripecitë e jetës së saj dhe prindërve të saj ku tha se e ëma punon si një burrë i vërtetë, duke thyer beton për të nxjerrë shufrat e hekurit të cilat mund t’i shesë për të nxjerrë bukën e gojës. Me shumë vështirësi, ajo kishte arritur të shkollohej dhe tashmë shërben në një organizatë për edukimin e fëmijëve të komunitetit egjiptian.

Një nga vështirësitë që ajo has në këto ditë festash, është sigurimi i lodrave apo atmosferës së festave për fëmijët që shoqërohen në organizatë për të shmangur rrugën dhe lypje. E reja shprehet se fëmijët po pres për një babagjysh për tu kthyer buzëqeshjen fëmijëve.

Të gjithë historinë e saj, kryeministri Edi Rama e ka dëgjuar nga një studio tjetër e televizionit Klan.

Më tej ajo tregon sesi po vazhdon shkollën e lartë në një univesritet privat me kredi, ndërsa nëna e saj që vuan prej 10 vitesh nga një sëmundje e rëndë, nuk pranon të operohet për shkak se dëshiron shkollimin e vajzës.

Eriglisa u shpreh se ndihej shumë e ofenduar nga Bashkia e Laçit, ku kishte shkuar për të kërkuar punë, pasi autoritetet i kishin thënë se puna e vetme që mund t’i ofrohej ishte në fshesë, për të pastruar natën rrugët. /CityNews

Vijon…