web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e PD: Qeveria ka harruar të varfërit

31 Dhjetor 2017, 11:46, Aktualitet CNA

Në prag të festave të fundvitit, deputetja e Partisë Demokratike, Jorida Tabaku, ka vizituar disa familje në nevojë, në njësinë numër 8 në Tirnaë.

Tabaku, shoqëruar nga Ervisi, Pëllumbi, Eni, Stela, Nandi dhe Arjeta kanë shpërndarë ndihma, ndërsa nuk kanë munguar dhe akuzat kundrejt qeverisë Rama.

Tabaku është shprehur se ” është për të ardhur keq që qeveria të varfrit, të vobektët dhe ato që nuk kanë me se të shtyjnë muajin i ka harruar”.

Postimi i plotë:

“Në këto ditë të fundit të vitit, u përpoqëm të dërgojmë pak shpresë dhe gëzim tek disa familje në nevojë të zonës 8. E kuptoj fare mirë që ndihma është e pakët dhe numri i atyre që nuk mund të presin bollshëm dhe gëzueshëm vitin e ri është shumë herë më i madh.

Ndjej trishtim ndërsa shoh që banorë të vjetër me shtëpi në mes të Tiranës nuk ngrohen sepse kanë frikë nga fatura e kripur e energjisë elektrike. Se si qytetarë të rinj në këtë qytet të madh janë lënë në harresë dhe me arnime mbyllin shpenzimet monetare. Me të vërtetë, është për të ardhur keq që qeveria të varfrit, të vobektët dhe ato që nuk kanë me se të shtyjnë muajin i ka harruar, shumë prej tyre më folën dhe më treguan për heqjen e ndihmës sociale, pensionet e ulëta, shtëpitë e rrënuara.

Bashkë me Ervisin, Pellumbin, Enin, Stelën, Nandin dhe Arjetën u përpoqëm të çonim një ndihmë të vogël me shpresën që viti 2018 do të jetë viti ku së bashku të nisim rrugëtimin për një qeverisje më të përgjegjshme. Le të shpresojmë që viti i ri të na gjejë më mirë dhe të përpiqemi së bashku për të sjellë në tavolinat tona më shumë prosperitet dhe të ardhura”. /CityNews





Lajmet e fundit nga