“Me listën banale të Bashës, janë të djegura mandatet”

29 Dhjetor 2017, 12:38, Aktualitet CNA

Djegia e mandateve, që u propozua nga ish Kryeministri Sali Berisha pas zgjedhjes së Kryeprokurores së përkohshme është komentuar nga analisti Agron Gjekmarkaj.

Sipas tij, Berisha e di që mandatet defakto janë djegur nga Basha që me përgatitjen e listës së PD ?së.

?Retorikën e tij të kalkuluar politike ia drejton sa Edi Ramës po aq edhe Lulzim Bashës, temperatura e të cilit rri gjithmonë 35 gradë me shpresë se të parin e ysht në lëvizje të gabuara dhe të dytin në lëvizje të dobishme?, shkruan Gjekmarkaj, duke iu refruar deklaratës së ish Kryeministrit Berisha për djegien e mandateve.

Sali Berisha me intuitën politike stërvitur skajeve të këtyre 27 viteve, gjeti një pretekst për të bërë një propozim të bujshëm. Ai ditën kur votohej Prokuroria e Përgjithshme, pas pengesës së i bëri Garda për tu ngjitur në foltore, një akt i rëndë ky, për të cilin Gramoz Ruçi kërkoi falje (pse jo me dinjitet), kërkoi që Opozita të digjte mandatet e saj të fituara nga zgjedhjet e 25 qershorit.

Në dukje gjithësia dukej si zemëratë ndaj këtij precendenti të pazakontë antidemokratik. Por a mjaftonte kaq pak për të hedhur benzinë në zemërimin permanent të Doktorit, politikanit që opozitarizmin e ka në gen si frymëmarrjen? Sigurisht që jo.

Ai njëkohësisht retorikën e tij të kalkuluar politike ia drejton sa Edi Ramës po aq edhe Lulzim Bashës, temperatura e të cilit rri gjithmonë 35 gradë me shpresë se të parin e ysht në lëvizje të gabuara dhe të dytin në lëvizje të dobishme.

Nuk ka pasur shumë sukses në këtë këndvështrim Berisha. A e di që mandatet defakto i dogji Lulzim Basha me listën më banale në historinë e PD ?së, ku me 7 apo 8 përjashtime, kryetari i qeshur në gaz e në hidhërim i bëri ushtrime ekstreme logjikës, duke bashkuar në një grup kopukët dhe dudumët, sahanlëpirësit dhe leshkot, burrat e brishtë dhe gratë halldupe. Basha kur pati mundësi për të zgjedhur, zgjodhi dhe spitali në banalitet.

Dashuria e tij dhe modeli për të tjerët në PD, janë fiks ata që mori nga zgaqet e asaj nate. Ai duhej të bënte ndryshime. Në këtë pikë nuk zhgënjeu as më skeptikët. Kështu la pa mend këdo që ka gjykim politik, me ata që largoi dhe me personazhet zëvendësuese./CityNews