E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Pas lobimeve të PD në SHBA/ Britanikët japin alarmin për fshehje të financave nga partitë politike

26 Dhjetor 2017, 11:32, Aktualitet CNA

Ndërkombëtarët kanë dhënë alarmin sa u takon financave të partive politike në Shqipëri. Shumë prej tyre nuk i deklarojnë financat, ndërsa rasti më flagrant ishte ai i PD, e cila shpenzoi rreth 1 miliard lekë për lobimet në SHBA.

Pas këtij skandali Observatori i Europës për Krimet dhe Sigurinë ka bërë një artikull sa i takon problemeve financiare të partive politike si dhe korrupsionit në vendin tonë.

Kështu ky rrjet investigativ ka bërë dhe një artikull investigativ mbi Shqipërinë ku ka evidentuar një sërë problematikash me të cilat vendi ynë përballet. Një ndër këto problematika është dhe fshehja e financave nga ana e partive politike si dhe korrupsioni.

?Përkundër reformave të dizajnuara për të bërë më transparente financimin politik, partitë rrallë zbulojnë burimet e tyre të financimit.

Mungesa e besimit që kjo sjell në mesin e qytetarëve përkeqësohet nga fakti se mbetet e ligjshme në Shqipëri për njerëzit apo korporatat të bëjnë donacione anonime për kandidatët politikë. Gjithashtu, donacionet nën 100,000 Lekë ($ 885) nuk duhet të bëhen nëpërmjet një llogarie bankare të caktuar?, thuhet në artikull, duke nënëvizuar se financimi i fshehtë dhe sekret i partisë, shton mundësitë për kapjen e shtetit, për interesa private.

Sipas Observatori të Europës për Krimet dhe Sigurinë, një tjetër problem serioz, në zgjedhjet shqiptare është blerja e drejtpërdrejtë e votës, presionet ndaj votuesve, njëanshmëria e mediave dhe votimi i shumëfishtë i kreut të familjes.

?Blerja e drejtpërdrejtë e votave ka qenë gjithashtu një tipar shumëvjeçar i zgjedhjeve shqiptare, pavarësisht nga përmirësimet e fundit, siç kanë qenë pohimet për votimin e ndërsjellë, presionin mbi votuesit dhe anshmërinë e përhapur politike në media?, thuhet më tej në artikull.

Një problematikë tjetër e ngritur në artikullin e Observatorit Europian për krimet dhe sigurinë është dhe ajo e korrupsionit në rrethin gjyqësor. Ndonëse ky sistem është theksuar prej kohësh që është më problematiku, një gjë e tillë është faktuar edhe nga ndërkombëtarët.

?Sistemi gjyqësor në Shqipëri është i ngadaltë dhe joefikas. Pikëpyetje të mëdha ka dhe për aftësinë, profesionalizmin dhe integritetin e gjyqtarëve. Perceptimi i përgjithshëm është se gjyqësori është i infektuar nga korrupsioni gjerë dhe ryshfet në këmbim të vendimeve të favorshme. Tre të katërtat e shqiptarëve besojnë se të gjithë gjyqtarët janë të korruptuar, dhe dështimet e shumta për deklarimin e aseteve të tyre, e përforcojnë këtë besim?, thuhet më tej në artikull.

Ndërkohë një problem tjetër që ngre rrjeti i ekspertëve britanik është politizimi i gjyqësorit dhe mbyllja e dosjeve të politikanëve të korruptuar.

?Politizimi i gjyqësorit është një tjetër burim kritikash madhore. Mbushja e trupave gjyqësore me të emëruar politikë e bën të vështirë operimin e tyre të pavarur dhe të njëanshëm, veçanërisht kur është fjala për gjykimin e ndjekjen penale të vetë politikave që i kanë emëruar ata. Kjo lidhje e ngushtë mes gjyqësorit dhe politikës bën që politikanët të hetohen shumë rrallë dhe të mos dënohen kurrë?, thuhet në artikull.

Corruption in Albania