web counter
LEXO PA REKLAMA!

SHKARKO APP

E fundit!

x

Vidhte pjesë makinash/ Në pranga për të disatë herë 37-vjeçari

24 Dhjetor 2017, 13:11, Aktualitet CNA

Është vënë në pranga për të disatën herë një i ri nga Tirana, pasi akuzohet për vjedhje të shumta të pjesëve të ndryshme të makinave.

Nga të dhënat e burimeve policore mësohet se ai grabiste pasqyrat, bateritë dhe navigatorët.

Në pranga është vënë Ervin Tavanxhi, 37 vjeç, banues në Tiranë, i dënuar më parë për shpërndarje të lëndëve narkotike dhe vjedhje.

Sipas policisë, i arrestuari ka grabitur në të paktën pesë raste pasqyrat e automjeteve, navigatorë, bateri e deri te aksesorët.

Gjatë kontrollit fizik të ushtruar ndaj këtij personi iu gjetën dhe u sekuestruan në cilësinë e provës materiale sendet: Një kaçavidë, 1 grup me 7 çelësa, 1 patentë, kartëmonedha, e sende të tjera. Policia po vijon punën për zbardhjen e plotë dhe dokumentimin ligjor edhe për disa vjedhje të tjera që ky shtetas dyshohet se mund të ketë kryer.

Dosja i ka kaluar Prokurorisë së Tiranës për akuzën e “vjedhjes së kryer më shumë se një herë”. /CityNews

 





Lajmet e fundit nga