web counter
LEXO PA REKLAMA!

SHKARKO APP

App Store
Google Play

E fundit!

x

Shkatërrohet banda greko-shqiptare/ 15 të arrestuar

21 Dhjetor 2017, 15:15, Aktualitet CNA

Policia greke ka arritur të shkatërrojë një organizatë greko-shqiptare të narkotrafikut me pjesëmarrës 7 grekë dhe 8 shqiptarë të moshave nga 16 deri në 32 vjeç.

Sipas raportimeve të medieve greke mësohet se janë shpallur në kërkim edhe 8 shtetas të tjerë të përfshirë në këtë organizatë, ndërsa janë proceduar edhe 3 prindër, përkatësisht 2 grekë dhe një shqiptar, për neglizhim në përkujdesjen ndaj fëmijëve minorenë. goditja e këtij grupi kriminal ka ardhur pas një pune investigative disa mujore.

mësohet se për të mos rënë në gjurmë të policisë, ata nuk mbanin dosa të mëdha me vete e as shumë para. Gjithashtu ata flisnin në dialekte të ndryshme, në mënyrë që të mos kuptoheshin nga policia në rast përgjimesh. Pavarësisht kësaj, policia ka arritur të zbardhë skemën që përdornin duke i asgjësuar.

Organizata kishte krijuar dhe një rrjet shitjesh në mjaft shkolla të mesme. Nga verifikimet e policisë ka rezultuar se ata kishin një numër të madh klientësh të mitur.

Gjatë operacioneve për asgjësimin e organizatës, policia ka sekuestruar edhe 1,7kg kanabis, 26 gr kokainë, një numër të madh pilulash narkotike, 35 telefona celularë, një shumë parash prej 14.040 euro, 2 automjete, 2 pistoleta dhe 3 fishekë, 8 thika luftarake, shënime nga shitblerjet e drogave, si dhe bexha të policisë greke. /CityNews





Lajmet e fundit nga