E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Raporti sekret/ "Molla e ndaluar" e studentëve që arsimoheshin jashtë gjatë komunizmit

21 Dhjetor 2017, 20:17, Aktualitet CNA

Një raport sekret i vitit i vitit 1973 i zv-ministrit të Punëve të Brendshme Feçorr Shehu, dërguar Hysni Kapos, për jetesën e studentëve shqiptar në vendet e huaja në periudhën e diktaturës, i cili është publikuar sot nga gazeta ?Tema?, tregon se atyre u ishte ndaluar në mënyrë kategorike shoqëria,biseda dhe takimet me të huajt.

Edhe pak të rinj të cilët fitonin të drejtën për tu arsimuar u mohohej e drejta për të krijuar marrëdhënie me femrat e jashtme . Sipas këtij raporti të rinjve u kontrolloheshin sjelljet e tyre jashtë përmes një organi të quajtur ?Organi i Zbulimit Shqiptar?.

Nëse lidhja me të huajt zbulohej nga ky organ në Tiranë përmes një letre në mënyrë zyrtare dërguar Ministrisë së Brendshme dhe Sekretarit të Komunitetit Qendror të PPSH-së kallëzohej sjellja e tyre.Në këtë rrethana këta studentë ktheheshin në Shqipëri.

Gjithashtu kontrolloheshin edhe letrat që studentët u dërgonin familjarëve.
Raporti sekret është hartuar fillimisht nga Drejtori i Drejtorisë së Zbulimit me Jashtë të asaj kohe(Jonuz Mersini), për eprorët e tij më të lartë në Ministrinë e Brendshme dhe zv/ Ministri Feçorr Shehu, ia ka drejtuar atë Hysni Kapos. /CityNews

Raporti sekret:

REPUBLIKA POPULLORE E SHQIPERISE ?Sekret?

MINISTRIA E PUNEVE TE BRENDESHME Ekzempl. Nr 1

DREJTORIA E I-rë Tiranë, më 8.9.1973

Nr. 4399. Prot.

LANDA: Mbi qëndrimin e disa studentëve shqiptarë në Francë

SEKRETARIT TE KOMITETIT QENDROR TE PPSH

SHOKUT HYSNI KAPO

TIRANE

Në bazë të marrëveshjes kulturale, nga vëndi ynë, janë dërguar për studime të larta në Francë një numër studentësh.

Gjatë kohës së qëndrimit atje, shokët e ambasadës së Parisit janë përpjekur për t?i mbajtur afër dhe për t?i mbrojtuar nga tentativat e mundëshme të zbulimeve të ndryshme e për ruajtjen pastër të figurës morale të tyre. Por megjith këtë, nga të dhënat e zbulimit, rezulton se disa student bëjnë jetë jo normale dhe kanë krijuar një afinitet të madh me disa persona vëndas ose të huaj të ardhur në Francë. Kështu pa dijeninë e

ambasadës, ata kanë krijuar marrëdhënie me persona të ndryshëm francezë, englezë, etj, me të cilët organizojnë ekskursione jashtë qytetit, i janë përshtatur modës e imitojnë mënyrën e jetesës franceze, studjojnë materiale të ndryshme dekadente e pornografike, gjë e cila duket edhe në sjelljen me vehte gjatë pushimeve të tanishme verore, të materialeve të tilla jo dinjitoze. Për këtë çështje bien në sy shumë student.

1. Kadri?., nga qyteti i Gjirokastrës, i shtresës së varfër, babai me gjëndje punëtor, me qëndrim të mirë gjatë luftës dhe pas çlirimit. Vetë Kadriu ka mbaruar shkollën e mesme të Gjuhëve të Huaja në Tiranë dhe është dalluar si nxënës aktivist i organizatës së rinisë në shkollë.

Gjatë kohës së qëndrimit në Francë, Kadriu ka shoqëri me një student engleze që studion në Paris dhe kohët e fundit punon në Radio-Londra, me të cilën mban korespodencë.

2. Vladimir?? nxënës në Berat, me përbërje të mirë politike, por në letrat që i shkruan një shokut të tij në Shqipëri, i thotë, për arsye se mban flokët e gjatë, nuk shkon në ambasadë, se njihet me dy francze me të cilat bën shëtitje me makina dhe shkon për dreka dhe për darka.

3. Astrit??., nga Dibra, me prejardhje të mirë, mbaruar shkollën e gjuhëve të huaja, me rezultate të mira, mban korrespodencë me anglezen Katerina Doris dhe me një vajzë tjetër në Francë. Vitin e kaluar, kur ishte me pushime në Shqipëri, ka marrë sende nga një person këtu, për t?ja dhënë t?arratisurit Sabaudin Dino, me banim në Francë.

Duke marrë parasysh se veprimtaria armiqësore kundër vëndit tonë në disa drejtime është rritur, mendojmë se ndoshta është e nevojshme që puna për edukimin e mbrotjen e studentëve tanë jashtë shtetit duhet të bëhet më e organizuar dhe më intensive si nga ambasadat tona, ashtu dhe nga Ministria e Arsimit, në rastet kur studentët tanë kthehen me pushime verore ose kur aprovohet e drejta e studimit jashtë.

ZV. MINISTRI I PUNËVE TE BRENDESHME

(FEÇORR SHEHU)