web counter
LEXO PA REKLAMA!

SHKARKO APP

App Store
Google Play

E fundit!

x

Narkotrafikantët shqiptarë depërtojnë në tregun spanjoll të drogës

20 Dhjetor 2017, 19:51, Aktualitet CNA

Policia spanjolle neutralizoi një bandë narkotrafikantësh të specializuar në trafikun e kokainës dhe heroinës. Banda përbëhej nga shqiptarë dhe spanjollë. Ajo vepronte në krahinat e Santiagos, Tominos dhe Arousa-s. Banda importonte kokainë të pastër nga Amerika Latine dhe heroinë afgane nga Shqipëria dhe e priste (e përziente) para se të furnizonte shpërndarësit e vegjël të drogës.

Mesatarisht banda arrinte të shiste 10 Kg. drogë të llojeve kokainë dhe heroinë në javë. Shefi i bandës ishte një shqiptar 33 vjecar me banim në Santjago e me kontakte të mira me narkotrafikantët turq dhe ata shqiptarë si edhe me koperturë politike në Shqipëri. Shefi i bandës si një shitës i mirë shëtitës bënte edhe 10-12 orë udhëtim me makinë në ditë për të shpërndarë drogën e njëkohësisht për t?u kujdesur se mos makina e tij ndiqej nga ndonjë makinë e Rojes Civile (policisë) me targa civile.

Tashmë shqiptarët po përbëjnë kërcënim për rendnin publik në Spanjë jo vetëm si organizatorë të trafikut të klandestinëve, të prostitucionit dhe të vjedhjes me thyerje të banesave e bizneseve, por edhe si narkotrafikantë drogash të Klasit A./GJERGJ THANASI/CityNews





Lajmet e fundit nga