web counter
LEXO PA REKLAMA!

SHKARKO APP

App Store
Google Play

E fundit!

x

Plehëra dhe mina detare nga Shqipëria ndotin bregdetin e Dubrovnikut

20 Dhjetor 2017, 18:44, Aktualitet CNA

Kroacia fqinje është viti tretë, që ia sheh sherrin përmbytjeve të pjesës veriore të Ultësirës Perëndimore të Shqipërisë. Përmbytjet e javës së parë të dhjetorit në Shqipëri nëpërmjet rrymave detare ?furnizuan? me sasi të madhe plehrash pluskuese bregdetin e Dubrovnikut (Raguza). Plehërat një pjesë e tyre padyshim ?Made in Albania? bllokuan portine  vjetër të Dubrovnikut, por edhe u kthyen në rrezik për jetën e njerëzve në Plazhin e quajtur Banje, afër Dubrovnikut.

Përvec degëve e trungjeve të pemëvë, Porti i Vjetër i Dubrovnikut u bllokua edhe nga kufoma kafshësh shtëpiake, madje ndër plehërat punëtorët e pastrimit peshkuan edhe një top futbolli me flamurin shqiptar mbi të si edhe shishe plastike të Birrës Lissus, shishe uji mineral ?Lajthiza?, shishe lëngu frutash ?Fructus? etj.

Në Plazhin Banja deti nxorri në breg edhe një minë detare të luftës së dytë botërore. Mina ishte prodhim sovjetik i tipit YaM 1943 i llojit me kontakt dhe me spirancë. Kjo lloj mine ka kapacitet të vogël shpërhyes (vetëm 20 Kg. TNT) dhe shërben për minimin e cektirave bregdetare, për të penguar mjetet zbarkuese apo anijet me tonazh të vogël. Të tillë minë në vendet që lagen nga Deti Adriatik ka pasur vetëm Shqipëria dhuratë e vitit 1958 nga BS. Furnizimi me të tilla mina mbërriti në Portin e Durrësit në bordin e avullores ?Krasnij Krym?, bashkë me furnizime të tjera civile dhe ushtarake dhuratë e BS për aleatin e vet Shqipërinë e Enver Hoxhës. Kjo lloj mine iu lëvrua Shqipërisë me urdhër të admiralit Katasanov të Flotës sovjetike të Detit të Zi. /Gjergj Thanasi /CityNews





Lajmet e fundit nga