E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Redaksionale/ Tallavaja e “dasmës”, Basha-Kryemadhi

17 Dhjetor 2017, 13:38, Aktualitet CNA

Nesër në mëngjes pritet që Partia Demokratike dhe Lëvizja Socialiste për Integrim të zhvillojë një protestë përpara Parlamentit.

Një protestë, ku kryefjalë është Prokurori i Përgjithshëm dhe nuk ka asnjë kontekst tjetër social ekonomik, apo edhe korrupsioni politik, si akuza të vazhdueshme të dy partive opozitare.

Më shumë se një protestë, se po vjen një Prokuror i përkohshëm i zgjedhur nga Edi Rama, e nesërmja duket të jetë certifikimi i ?dashurisë? PD ?LSI, apo “kapjes” të Lulzim Bashës pas fustanit të Monikës.

LSI, e cila ka qenë tetë vite në pushtet dhe vetëm disa muaj në opozitë, e akuzuar si sekti më kriminal dhe korruptiv në Shqipëri, si simbol i abuzimit, korrupsionit dhe vjedhjes, nesër kërkon të protestojë kundër Kryeprokurorit, por nuk flet se duhet drejtësi për konçensionet, vjedhjet dhe skandalet e LSI ?së, për tetë vite në pushtet me Berishën dhe Ramën.

Ndoshta Monika mendon se ?puthja? me Lulzim Bashën dhe protesta e nesërme, mund ta bëjë LSI ?në, forcën politike që kalon ylberin për herë të tretë.

Në fakt në PD, ?çetën e Monikës? të trashëguar ngë Ilir Meta, baza e do aq shumë, sa vetë Edi Ramën. LSI për demokratët është ?kurtizania? e radhës që do të ndryshojë shtrat.

PD nga ana e saj ka të gjithë të drejtën për të dalë në protestë, dhe në fakt, kjo Lulzim Bashës i është kërkuar shpesh por nuk e ka bërë. Ai sapo u kthye nga një vizitë e dështuar në Angli, ku për disa ditë shëtiti,me bashkëshorten e tij,i sponsorizuar nga deputeti demokrat Agron Shehaj.

Protesta nuk duket të jetë e Bashës por e Monikës. Lulzimi ka pasur një mijë e një arsye të protestojë, por si mund ta bënte kur për 6 muaj këtë vit, ndau Qeverinë me Edi Ramën?

Lulzimi nuk ka hallin e prokurorit, por ka një tjetër hall certifikimin e ?dashurisë? së tij me Monikën. Aksioni i duhet që baza e PD-së, të mos refuzojë LSI ?në dhe demokratët të pranojnë, që në gji të kenë kancerin e korrupsionit të politikës shqiptare.

Mund të protestohej nesër, dje dhe në vijim çdo ditë, për skandalet e Qeverisë Rama, për qeverinë e drogës, korrupsionit, konçensioneve, por jo, sepse kërkon Monika të dalë në protestë. Nuk ka shqiptar demokrat me apo pa parti që e nuk e di se e nesërmja, është tallavaja e ?dasmës? PD ?LSI, me kumbar Edi Ramën.

E sigurtë që kjo martesë do të përfundojë me divorc, megjithëse po përpiqet në çdo mënyrë, të mbajë të ngritur, pseudofronin opozitarë, i cili e humb çdo vlerë dhe peshë politike, kur bën moral LSI ?ja.

Pa lënë mënjanë moralin e Lulit që e shiti, apo e dha me qira PD ?në, tek Edi Rama për interesa të familjarëve të tij. Protesta do të kishte shumë moral, në rast se nuk do të kishte simbolikë ?fustanin e Monikës?, ku është kapur Lulzim Basha.

Protesta duhet bërë për demokratët, për mjerimin, krimin e organizuar, korrupsionin dhe drogën dhe kurrsesi për të vulosur me një akt qesharak ?martesën? PD ?LSI, aq të preferuar dhe të dëshiruar nga Lulzim Basha.

PD ka më shumë forcë, më shumë moral, më shumë të vërteta për të thënë e vepruar se sa të futet nën sqetullën e LSI ?së, duke protestuar për Monikën.

PD ka nevojë vërtet të protestojë, por kurrë nuk mund ta bëjë, duke u sjellë si forcë e tretë, të urdhërohet apo më keq akoma të tërhiqet zvarrë nga LSI ?ja.

Nesër akush nuk ka hallin e Kryeprokurorit. Këtë e di Lulzimi, e di Monika, e di Edi Rama, e di Sali Berisha, e di Petrit VasIli edhe Arben Ristani .

Akush të mos dyshojë, se këtë e di Nard Ndoka apo çuni i Fahri Balliut, këtë e dinë të gjithë.

Nëser kemi thjesht tallavanë e ?dasmës? PD-LSI, Basha -Kryemadhi. Ky është halli, që ata të certifikojnë dashurinë e tyre./CityNews