web counter
LEXO PA REKLAMA!

SHKARKO APP

App Store
Google Play

E fundit!

x

Një vit më parë akuzonte LSI -në/ Sot Basha i kërkon aleancë

17 Dhjetor 2017, 12:48, Aktualitet CNA

Si sot, një vit më parë Partia Demokratike ka akuzuar LSI ?në, duke e bërë përgjegjëse për qeverisjen katër vjeçare dhe pjesë e konçensioneve të Partisë Socialiste.

Një vit, më parë, PD ?ja e kryqëzoi kreun e atëhershëm të LSI ?së, Ilir Metën në lidhje me amendamentin buxhetor të LSI-së, për konçesionin e laboratorëve në shëndetësi.

?LSI është bashkëautore e të gjitha vjedhjeve, konçesioneve dhe abuzimeve të qeverisë Rama-Meta, nga një pjesë e të cilave LSI ka përfituar direkt. Nëse Ilir Meta është për interesin publik, nuk do kishte bërë pazar me taksën e gazit?, akuzonte një vit më parë PD-ja.

Po, sot drejtuesi i kësaj partie Lulzim Basha i ka gëlltitur këto akuza, duke i shtrirë duart drejt LSI ?së, për të bërë aleancë kundër Qeverisë për çështjen e Kryeprokurorit.

Është dashur një vit që Lulzim Basha të harrojë se LSI është bashkëautore e të gjitha vjedhjeve, konçesioneve dhe abuzimeve, gjatë qeverisjes me PS ?në.

Sot, Basha po i kërkon LSI ?së ?hajdute të konçensione?, që të dalë në krah të tij për të kundërshtuar planin e PS-së, për zgjedhjen e Kryeprokurorit.

Por a do t ?ia arrijë qëllimit me një vjedhëse në krah siç e ka quajtur ai një vit më parë?

Risjellim në vëmendje deklaratën e plotë të Partisë Demokratike të dhënë me datë 17 dhjetor 2016, apo si sot një vit më parë.

?Partia Demokratike është kundër konçesionit të laboratorëve. Ka qenë dhe është kundër konçesionit të dializës. Ka qenë dhe është kundër konçesionit të sterilizmit. Ka qenë dhe është kundër konçesionit të kontrollit mjekësor.

I ka denoncuar të gjitha këto konçesione dhe ka luftuar kundër tyre.

Gjasme amendamenti buxhetor i LSI-së, për konçesionin e laboratorëve në shëndetësi, nuk e ndalonte konçesionin e laboratorëve, dhe nuk kishte asnjë vlerë ligjore.

Vendimin për konçesionin e laboratorëve e merr qeveria dhe jo Kuvendi. Nëse Ilir Meta është kundër konçesionit e ka të thjeshtë: ta rrëzojë atë në qeveri. Le të bllokojë qeverinë ose të dalë nga qeveria. Por këtë LSI nuk e bën dot, sepse qeverisja është oksigjeni që mban në jetë LSI-në.

Gjasme amendamenti kundër konçesionit, ishte një manovër propagandistike e Ilir Metës për të bërë gjasme sikur mendon për popullin, pra ishte një gënjeshtër.

Po afrohen zgjedhjet dhe është koha kur Ilir Meta bën sikur nuk ka qenë në qeveri katër vjet.

LSI është bashkëautore e të gjitha vjedhjeve, konçesioneve dhe abuzimeve të qeverisë Rama-Meta, nga një pjesë e të cilave LSI ka përfituar direkt.

Nëse Ilir Meta është për interesin publik, nuk do kishte bërë pazar me taksën e gazit. Nëse Ilir Meta është për interesin publik, le të ngrejë zërin kundër koncesionit të dializës që u shit për dy lekë tek klientët e LSI-së?, thuhet në deklaratën e PD ?së, të 17 dhjetorit 2016.

Ndërkohë atëherë e akuzonte si bashkëpunëtor të Ramës për krim politik e tani e merr në krah të potestojnë sëbashku./CityNews

 

 

 





Lajmet e fundit nga