web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi mesazh Ramës disa orë para protestës

17 Dhjetor 2017, 22:21, Aktualitet CNA

Lëvizja Socialiste për Integrim, prej disa ditësh ka lajmëruar të rinjtë që të bashkohen në festën e organizuar nga LRI në Club Folie, festë e cila po mbahet mbrëmjen e sotme.

Festës i është bashkuar edhe kryetarja e LSI-së, Monika Kryemadhi, e cila i ka çuar një mesazh Edi Ramës, teksa tha se, ditën e nesërme nuk do ta lejojë Parlamentin të vijoj pasi sipas saj është mbushur me vota të blera, nga krimi i organizuar dhe nga trafiku i drogës.

“Nesër nuk do ta lejoj në asnjë moment atë parlament të vijoj, i cili është mbushur me vota të blera, nga krimi i organizuar dhe nga trafiku i drogës. Unë nuk do ta lejoj në asnjë moment bashkë me shokët dhe shoqet e mia të grupit parlamentar, bashkë edhe me deputetët e Partisë Demokratike që ai Parlament të shkeli Kushtetutën e Shqipërisë. Kushtetuta e Shqipërisë nuk zhduk varfërinë e shqiptarëve sot. Kushtetuta e Shqipërisë nuk të ofron rrugë, shkolla e as spitale, por Kushtetuta e Shqipërisë garanton demokracinë, barazinë e këtij vendi, prandaj është e shenjtë për ne”, – u shpreh Kryemadhi.

Nën thirrjen e të rinjve “Rama ik”, Kryemadhi u shpreh se, këtë veprim nuk do ta bëj si një kryetare e LSI-së dhe as si deputete por si një shqiptare që lufton për fëmijët e saj. /CityNews





Lajmet e fundit nga