web counter
LEXO PA REKLAMA!

SHKARKO APP

App Store
Google Play

Kryeprokurori/ Marrëveshjet e pista të natës, nuk janë zgjidhje

13 Dhjetor 2017, 13:52, Aktualitet CNA

Partia për Drejtësi Integrim dhe Unitet ka reaguar lidhur me procesin e zgjedhjes së Kryeprokurorit.

PDIU, ka risjellë në vëmendje, mbështetjen që ka dhënë  më herët për Reformën në Drejtësi, me shpresën, se do të ishte një fillim i ri për rivendosjen e shtetit ligjor në shërbim të qytetarëve.

?Pas kaq muajsh vërejmë zvarritje pa asnjë shkak të reformës dhe akoma më keq, sot po tentohen të zëvëndësohen organet e rëndësishme që kemi miratuar me Kushtetutë, me arrogancë dhe vullnet të njëanshëm nëpërmjet miratimit me vota minimale me një kuorum qesharak prej 36 votash të postit të Prokurorit të Përgjithshëm.

Theksojmë se Prokurori i Përkohshëm i cili mund të zjidhet sipas interpretimeve të mazhorancës edhe me 36 vota, nuk ka asnjë referencë në ndryshimin që kemi bërë bashkërisht në nenin themeltar të shtetit, në Kushtetutë.

Ndaj sot përtej arrogancës personale do duhet të jemi të gjithë bashkë për të gjetur një zgjidhje.

Theksojmë se zgjidhja nuk janë marrëveshjet e pista të natës, që e kanë çuar vendin në këtë klimë armiqësore e varfërie të skajshme, por ndryshimet ligjore të cilat i celin rrugë një drejtësie të lirë dhe që nuk është peng i politikës.
PDIU nuk do të marrë pjesë në asnjë komision apo votim ku shkelet Kushtetuta e vendit?, thuhet në reagimin e PDIU ?së./CityNews





Lajmet e fundit nga