web counter
LEXO PA REKLAMA!

SHKARKO APP

App Store
Google Play

E fundit!

x

Akuza për dështimin e reformës në drejtësi/ Politikanët të frikësuar nga Vetingu

13 Dhjetor 2017, 09:07, Aktualitet CNA

Ambasadori i Shteteve të Bashkuara të Amerikës, Donald Lu ka shpërthyer në akuza të forta ndaj Lëvizjes Socialiste për Integrim.

Prej disa ditësh kryetarja e kësaj partie, Monika Kryemadhi dhe deputetët pranë saj, kanë deklaruar se reforma në drejtësi ka vdekur.

Mirëpo ditën e djeshme ambasadori Donald Lu, u ka kthyer përgjigje deklaratave të LSI ?së, duke përdorur tone të ashpra.

Lu, ka thënë se reforma në drejtësi nuk ka vdekur, por politikanët janë të frikësuar nga procesi i Vetingut dhe SPAK.

?Politikanët kanë frikë. Disa politikanë kanë thënë së fundmi se reforma në drejtësi ka vdekur. Ajo nuk ka vdekur, por mundësia që politikanët, e fuqishëm të kontrollojnë dhe manipulojnë sistemin e drejtësisë është pothuajse i vdekur, ka nënvizuar Donald Lu.

Edhe pse Ambasadori Amerikan nuk ka përmenduar emra konkret, sipas gazetës Sot, duket qartë se me këto deklarata i referohet LSI-së, pasi kjo e fundit është e vetmja forcë politike që ka hedhur akuza, se reforma në drejtësi ka vdekur.

?Unë luftoj për reformën në drejtësi, sepse është përparësi e lartë e Presidentit Amerikan dhe e Sekretarit të Shtetit. Reforma në drejtësi po hyn në një çast vendimtarë. Komisionet Vetingut dhe vëzhguesit ndërkombëtarë kanë punuar shumë. Së shpejti ata do të përfundojnë çështjet e para të Vetingut.
Kjo do të sjellë krijimin e organeve të reja të reformës në drejtësi, përfshirë SPAK-un dhe BKH ?në. Shqiptarët presin me padurim për drejtësi?, është shprehur Lu, një ditë më parë.





Lajmet e fundit nga