web counter
LEXO PA REKLAMA!

SHKARKO APP

App Store
Google Play

E fundit!

x

"Kuvendi Rilindas" është puç Kushtetues/ Llalla të shkarkohej me Veting

13 Dhjetor 2017, 08:32, Aktualitet CNA

Ish ministri i Drejtësisë Ylli Manjani e ka quajtur të paligjshëm procesin që po bëhet për zgjedhjen e Kryeprokurorit.

Sipas tij, përzgjedhja dhe mëtej emërimi eventual i një të ashtuquajturi Prokuror të Përgjithshëm të përkohshëm, është e pa mbështetur në Kushtetutë dhe në ligj.

?Po e përsëris deri në bezdi: Prokurori i përkohshëm mund të caktohej vetëm nëse Adriatik Llalla do ishte shkarkuar me Veting deri më datë 7 Dhjetor. Pas kësaj date, kur atij i mbaroi mandati nuk ka një rregull se si zevendësohet, në kushtet kur nuk është krijuar KLP?, ka shkruar Manjani në rrjetet sociale.

Postimi i tij i plotë:

Një proçes i PALIGJSHËM!

Përzgjedhja dhe mëtej emërimi eventual i një të ahtuquajturi Prokuror të Përgjithshëm të përkohshëm, është e pa mbështetur as në Kushtetutë e as në ligj!

Asnjë rrjesht ligjor, askund, nuk gjendet që të justifikojë këtë proçes që ka nisur Rilindja socialiste në Kuvend!

Po e përsëris deri në bezdi: prokurori i përkohshëm mund të caktohej vetëm nëse Adriatik Llalla do ishte shkarkuar me Vetting deri më datë 7 Dhjetor. Pas kësaj date, kur atij i mbaroi mandati nuk ka një rregull se si zevendësohet në kushtet kur nuk është krijuar KLP.

Ky është ligji!

Kjo që bën Kuvendi Rilindas është puç Kushtetues. Kjo e nxjerr përfundimisht Reformën nga shtrati kushtetues dhe ligjor!

Ta themi edhe në Anglisht këtë që të bëhemi të besueshëm?! Ambasador i huaj nuk bëhem dot që të flas me ?kompetencë?!!!

E vërteta gjendet e shkruar në ligjet e shtetit!

Sidoqofte kush ka nevojë të njihet me të vërtetën ta lexojë vetë edhe Kushtetutën (përfshi nenet tranzitore) dhe ligjin e ri për Prokurorinë ( megjithë nenin teansitor 109).

Në planin politik qeveria po i bën ?nderin? e radhës opozitës…

Por shtetit po i jepet dërrma e radhës!/Citynews

 





Lajmet e fundit nga