web counter
LEXO PA REKLAMA!

SHKARKO APP

App Store
Google Play

E fundit!

x

Rama uron 105 vjetorin e Pavarësisë/ Qytetarët: U çlirofshim sa më parë nga  politikanët e korruptuar

28 Nëntor 2017, 11:17, Aktualitet CNA

Kryeministri Edi Rama nëpërmjet rrjeteve sociale, ka uruar 105 vjetorin e Pavarësisë, por qytetarët nuk kanë denjuar ta gozhdojnë me urime therëse dhe ironike.

?Të gjithë shqiptarëve kudo janë, nga Vlora u uroj GËZUAR 105 VJETORIN E PAVARËSISË SË SHQIPËRISË?, ka shkruar Rama.

Ndërkohë, po në formën e urimit, qytetarët kanë shpërthyer duke kërkuar që të injorohen ata që kanë lobuar kundër Shqipërisë me paratë e pista dhe duke shpresuar që Shqipëria të çlirohet sa më parë nga politikanët e shitur, hajdutë dhe të korruptuar.

?Gëzuar 105 vjetorin dhe u çlirofshim sa më parë nga të gjithë politikanët e shitur, të korruptuar, hajdut dhe antikombëtar. T?i injorojmë sot ata që lobojnë kundër Shqipërisë me paratë e pista dhe që na shitën tokë e det për interesat e tyre. Respekte për të gjithë burrat e ndritur të Rilindjes?,  ka uruar një qytetarë.

Ndërsa një tjetër komentues, është ndalur tek papunësia dhe varfëria që ka mbërthyer Shqipërinë.

?Po ik dhe mundësoju ndonjë punë njerëzve të shkretë, se po vdesin për bukë e i zuri dimri pa ngrohje?, ka shkruar qytetari në fjalë.

Dikush tjetër i përvishet Ramës, duke i thënë se kjo festë po e gjen Shqipërinë 105 vjet prapa, për faj të politikanëve legena.

??jemi në 2017-ën dhe akoma jemi 105 vjet mbarapa nga ju politikanë legena, njerëz të pështirë?, ka komentuar një qytetarë./CityNews





Lajmet e fundit nga