web counter
LEXO PA REKLAMA!

SHKARKO APP

App Store
Google Play

E fundit!

x

Fleckenstein/ Brenda 6 muajve hapen negociatat për anëtarësimin e Shqipërisë në BE

28 Nëntor 2017, 10:37, Aktualitet CNA

Raportuesi për Shqipërinë në Parlamentin Europian, Knut Fleckenstein, thotë se në 6 muajt e parë të 2018-s, pritet që BE të hapë negociatat për anëtarësimin e Shqipërisë në Bashkimin Europian.

Fleckenstein thotë në një intervistë për Report TV dhe Shqiptarja.com, nëse qeveria dhe Parlamenti vazhdojnë të bëjnë punën siç e kanë bërë deri më tani, nuk ka më asnjë argument kundër hapjes së negociatave.

?Nëse Bashkimi Europian është i besueshëm dhe shpresoj vërtet që Komisioni të jetë i besueshëm atëherë ne duhet të hapim negociatat në gjysmën e parë të vitit 2018, sepse populli shqiptar e meriton dhe se qeveria dhe Parlamenti kanë bërë shumë për atë çfarë nevojitej?, tha ai.

?Fjalën e fundit e ka gjithnjë Këshilli, që do të thotë kryetarët e qeverive të 27-28 vendeve të BE, por Parlamenti Europian është mjaft i qartë. Nëse ju në Shqipëri, Parlamenti dhe Qeveria vazhdoni punën siç keni bërë më parë, nuk ka asnjë argument të vetëm për ne që të mos hapen negociatat?, vijon Fleckenstein.

Ai shprehet ndërkohë, se ?Tahiri? nuk ndikon në vendimmarrjen kryetarëve të qeverive të 27-28 vendeve të BE, për çeljen e negociatave:

?Nuk mendoj kështu, nëse çdo kush bën punën e tij është në rregull. Ne nuk jemi prokurorë në Bruksel. Gjithashtu nuk jemi në gjendje të gjykojmë asnjë çështje të veçantë, por gjëja kryesore është. A është në gjendje prokuroria të bëjë punën e vet? Unë mendoj se është në gjendje?.

Fleckenstein thotë gjithashtu, se Greqia nuk duhet ta mendojë vendosjen e vetos për çeljen e negociatave për Shqipërinë, pasi nuk do të ishte e ndershme:

?Unë shpresoj vërtet që Greqia as duhet ta mendojë këtë gjë, pasi nuk do të ishte e ndershme. Dhe ne nuk po flasim për përmbylljen e negociatave, por për fillimin e negociatave. Këto probleme duhet të zgjidhen gjatë kësaj periudhe dhe kjo do të ishte e mundur. Duhet t?ju kujtoj se edhe brenda Bashkimit Europian ka vende si Kroacia që ka probleme me Slloveninë për kufirin. Nuk dua të them që zgjidhja e këtij problemi nuk është e nevojshme madje duhet të ishte zgjidhur më parë, por jo para hapjes së negociatave. Ka mjaft kohë për ta zgjidhur këtë çështje?.

I pyetur për kërkesën e kryetarit të Partisë Demokratike, Lulzim Basha për krijimin e një qeverie anti-mafia, raportuesi për Shqipërinë në Parlamentin Europian e konsideron këtë kërkesë një lojë partish.

Fleckenstein tha se mund të fliste vetëm për çështje serioze, duke i dhënë një shuplakë të fortë opozitës.

?Unë nuk i komentoj të gjitha këto lojëra partish, unë flas vetëm për fakte serioze, se si e quan qeverinë opozita nuk më takon mua ta komentoj?, tha Fleckenstein.

Ai megjithatë, tha se trafiku i drogës është një nga çështjet më serioze me të cilat përballet vendi ynë dhe se BE pret që autoritetet shqiptare ta luftojnë këtë fenomen.

?Është e dukshme se ka ende trafik drogë pavarësisht se ne shohim hapat e duhura të bëra për ta luftuar, të paktën disa, tani duhet që të vazhdojnë këto përpjekje dhe unë shpresoj shumë që kjo do të ndodhë siç mendoj?, tha ai.(TemA)





Lajmet e fundit nga