web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Vlorës i shpreh hapur dashurinë Edi Ramës (video)

28 Nëntor 2017, 16:18, Aktualitet CNA

Kryetari i Bashkisë së Vlorës Dritan Leli, në kuadër të 105 vjetorit të pavarësisë së Shqipërisë, ka pritur shumë mysafirë, përfshirë edhe qeverinë e Kosovës.

Ashtu si edhe në përfundim të projektit të Lungomares, ku në fjalën e tij para delegacionit të BE-së lavdëroi kryeministrin Edi Rama, edhe sot nuk ka mundur të mos përmendë frymëzimin e tij. Edhe në këtë ditë, Leli la në hije Isamil Qemalin, për “dashurinë” e tij.

Në fjalën e tij në Bashkinë Vlorë, në pritjen e organizuar nga ky institucion, Dritan Leli, u shpreh i ekzaltuar në maksimum, teksa tha se Edi Rma ka qenë burim frymëzimi që prej kohës studentore e deri më sot, kur i ndryshoi fytyrën bashkisë së Vlorës. Ai nuk i ka kursyer lëvdatat për Ramën gjatë të gjithë fjalës së tij, saqë vendin e kryefjalës së ditës, Ismail Qemali, e zuri “Skënderbeu” i Elisa Spiropalit.

Aq shumë i ekzaltuar ishte Leli, saqë edhe Gramoz Ruçi ishte i gatshëm të ndërhynte tek Rama që të pranonte dashurinë e shprehur publikisht nga Dritan Leli.

Fjala e Dritan Lelit:

?Faleminderit te gjithëve qe keni ardhur në ketë godinë të re të bashkisë së Vlorës, të shikoni këtë përpjekje të të gjithëve me mbushjen e veçante të kryeministrit Rama për të ndryshuar këtë godinë që ishte lënë në harresë. Në këtë sallë dy vjet më parë ishte një shkatërrim total, asgjë nuk i ngjante kësaj që shohim sot. Godina nga brenda ishte ndarë në disa kioskëzime të vogla, që nuk i përkisnin një bashkie dinjitoze si ajo Vlorë që duam të bëjmë. Dua të falënderoj të gjithë ata që më mbështeten në ndryshimin e kësaj bashkie, falënderoj zotin Gjiknuri dhe të gjithë ata biznesmenë të qytetit që u afruan me bujarinë e tyre, kjo godinë është shndërruar e tëra jo vetëm në një godinë që do ofrojë shërbime por me mbështetjen e artistëve të Vlorës të jetë sot një ekspozitë arti. Në gjenezën e vlonjatëve ka artistë dhe në kodin gjenetik të tyre ka shumë njerëz që kanë frymëzim artistik, do veçoja njërin që është më i dashuri për mua, kryeministri Rama dhe do kërkoja një duartrokitje të vogël edhe pse e di qe i keni duart e zëna. Sepse për mua ka qenë një burim i madh frymëzimi që në kohën kur shkruante shumë vite më parë, në ato shkrime ku unë isha student. Shqipëria në ato vite ishte një kioskë e ndërtuar në prapanicën e një autobusi urban. E kujtoj që atëherë dhe e kam ndjekur në çdo periudhë nga larg, duke vlerësuar për çdo gjë që ka bërë për Tiranë, për konceptin e ri për të ndryshuar Shqipërinë. Ndaj dua ta falënderoj në sy të të gjithëve. Sepse më ka bërë të ndjehem mirë, më kam lënë të jem i lirë. Dhe kjo vepër është sot ajo që prisnin qytetarët. Gëzuar të gjithë shqiptarëve kudo që janë. Më vjen mirë që ishit sot dhe jeni në Vlorë, në godinën e re të Bashkisë.?, mbylli fjalën e tij kryebashkiaku. /CityNews





Lajmet e fundit nga