web counter
LEXO PA REKLAMA!

SHKARKO APP

App Store
Google Play

E fundit!

x

Sekretari amerikan i Shtetit, uron 105 vjetorin e pavarësisë/ Vazhdoni përpjekjet kundër korrupsionit

27 Nëntor 2017, 21:46, Aktualitet CNA

Sekretari amerikan i Shtetit, Rex Tillerson, ka uruar Shqipërinë për 105 vjetorin e pavarësisë së vendit.

Në mesazhin e tij, Tillerson e cilëson Shqipërinë si një “vend mik dhe aleat i vyer dhe Shtetet e Bashkuara presin me kënaqësi përparimin tuaj të vazhduar drejt integrimit më të madh euro-atlantik dhe anëtarësimit në BE.”.

Ai nxit qeverinë Rama për reformën në drejtësi, luftën kundër korrupsionit, si dhe luftën kundër krimit të organizuar.

Mesazhi i Tillerson:

Rex W. Tillerson
Sekretar i Shtetit
Uashington, DC
27 nëntor 2017
Në emër të popullit të Shteteve të Bashkuara, i përcjell urimet më të mira popullit të Shqipërisë teksa festoni 105 vite pavarësi.
Shqipëria është një vend mik dhe aleat i vyer dhe Shtetet e Bashkuara presin me kënaqësi përparimin tuaj të vazhduar drejt integrimit më të madh euro-atlantik dhe anëtarësimit në BE. Vlerësojmë thellësisht kontributet e Shqipërisë në NATO dhe në Koalicionin për Mposhtjen e ISIS si dhe promovimin nga ju të stabilitetit në rajon. Përgëzojmë Qeverinë e Shqipërisë për përpjekjet e saj të vazhduara për të vënë në zbatim reforma kyçe përfshi reformën në drejtësi, luftën kundër korrupsionit, si dhe luftën kundër krimit të organizuar. Këto janë hapa të rëndësishme për të siguruar një të ardhme më të sigurt dhe të begatë për popullin tuaj.
Urime popullit të Shqipërisë në ditën tuaj kombëtare. /CityNews





Lajmet e fundit nga