web counter
LEXO PA REKLAMA!

SHKARKO APP

App Store
Google Play

Basha publikon një tjetër provë të blerjes së votës

27 Nëntor 2017, 15:47, Aktualitet CNA

Lideri i Partisë Demokratike, Lulzim Basha, ka reaguar pas publikimit të një studimi të zhvilluar nga BE në lidhje me zgjedhjet e zhvilluara në Shqipëri.

Teksa shprehet se studim ka zbuluar se 20% të votuesve u janë ofruar para apo favore në këmbim të votës, thotë se ky studim është provë e blerjes masive të votës.

“Në Shqipëri votat janë blerë në mënyrë masive. Një studim i financuar nga BE ka zbuluar se mbi 20 për qind të votuesve u është ofruar para ose favore në shkëmbim të votës. Numri i vërtetë është edhe më i madh, po të kihet parasysh se shumë persona zgjedhin të mos e tregojnë këtë të vërtetë.
Studimi është një tjetër tregues i blerjes masive të votave nga Edi Rama me anë të parave të drogës dhe të krimit.”, – shkruan Basha.

Sipas tij, pushteti është marrë me krim, dhe mënyra për tu mbajtur në këmbë është sërish krimi, çka sipas Bashës do të bëjë që kjo qeveri të zhytet çdo ditë e më shumë në krim.

“Një pushtet që merret me krim, mund të mbahet vetëm me më shumë krim. Prandaj qeveria Rama u kthye gradualisht në një organizatë kriminale të përfshirë direkt në mbështetjen e trafikimit të drogës, në pastrimin e parave të drogës me anë të PPP-ve, në zhvillimin e një industrie mafioze të plehrave dhe aktivitete të ngjashme.

Në të njejtën mënyrë, Edi Rama do vazhdojë të zhytet edhe më thellë në krim çdo ditë e më shumë që ai do të jetë në pushtet. Prandaj krijimi i një qeverie antimafia që i hap rrugë nje reforme të mirëfilltë zgjedhore është hap i parë dhe i domosdoshëm për kthimin e legjitimitetit të zgjedhjeve dhe fillimin e pastrimit të politikës nga krimi.”, – përfundon Basha. /CityNews





Lajmet e fundit nga