E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Fillon takimi i Aleancës Islamike Ushtarake kundër Terrorizmit

26 Nëntor 2017, 17:20, Aktualitet CNA

Mbledhja e parë e ministrave të mbrojtjes së Aleancës Islamike Ushtarake kundër Terrorizmit filloi në kryeqytetin e Arabisë Saudite, Rijad, raporton agjencia turke e lajmeve ?Anadolu Agency? (AA) e sjellë në shqip nga ?Tetova Sot?.

Fjalimin e hapjes së mbledhjes me pjesëmarrjen e ministrave të mbrojtjes së 41 shteteve anëtare të aleancës e bëri Princi i Kurorës dhe ministri i mbrojtjes i Arabisë Saudite, Muhamed bin Selman bin Abdulaziz.

Ai duke theksuar se me këtë mbledhje do të tregohet një vullnet i fortë në luftën kundër terrorizmit, tha se ?Nuk do të pranojmë terrorizmin e civilëve në vendet islame dhe vlerat tona të përmenden me terrorin?.

Princi kurorës i Arabisë Saudite gjithashtu shprehu ngushëllimet e tij ndaj Egjiptit për personat të cilët kanë humbur jetën në sulmin terrorist ditën e premte. Në këtë mbledhje merr pjesë edhe ministri i mbrojtjes i Turqisë, Nurettin Canikli.

Qëllimi i koalicionit

Themelimi Aleancës Islamike Ushtarake kundër Terrorizmit ishte njoftuar nga Princi i Kurorës dhe ministri i mbrojtjes i Arabisë Saudite, Muhamed bin Selman më 14 dhjetor 2015.

Me pjesëmarrjen e përfaqësuesve të 34 shteteve mes të cilëve edhe Turqia, më 15 dhjetor 2015 ishte publikuar një deklaratë e përbashkët, ku mes tjerash theksohej se është vendosur për themelimin e një koalicioni ushtarak nën udhëheqjen e Arabisë Saudite për të luftuar kundër terrorizmit dhe selia qendrore të jetë në Rijad.

Aleanca në të cilën sot gjenden 41 anëtarë përbëhet nga këto shtete: Afganistan, Bahrein, Bangladesh, Benin, Emiratet e Bashkuara Arabe, Brunei, Burkina Faso, Xhibuti, Çad, Marok, Bregu i Fildishtë, Palestinë, Gambia, Gabon, Guinea, Guinea-Bissau, Katar, Komoret, Kuvajt, Libia, Liban, Maldivet, Malajzia, Mali, Egjipti, Mauritania, Niger, Nigeri, Pakistan, Senegal, Sierra Leone, Somali, Sudan, Arabia Saudite, Togo, Tunizia, Turqia, Uganda, Oman, Jordania dhe Jemen.

Fusha e veprimit

Koalicioni ka për qëllim bashkëpunimin për të luftuar kundër radikalizmit dhe terrorizmit, përcaktimin e një diskursi të përbashkët kundër abuzimit të Islamit, intensifikimin e shkëmbimit të ndërsjellë të informacionit dhe inteligjencës, si dhe rritjen e solidaritetit dhe bashkëpunimit në këto sfera.