web counter
LEXO PA REKLAMA!

SHKARKO APP

App Store
Google Play

E fundit!

x

Gjykata jep sot vendimin ndaj Fatmir Limajt

24 Nëntor 2017, 08:32, Aktualitet CNA

Ish-ministri i Transportit të Kosovës, tani zv.kryeministër, Fatmir Limaj, do të dalë sot para gjykatës, në rastin gjyqësor të njohur si MTPT.

Limaj akuzohet për krim të organizuar dhe korrupsion, që ka të bëjë me abuzime çmimesh, duke favorizuar me tendera në kohën kur Limaj ishte pjesë e PDK-së dhe ministër i Transportit.

Krahas Limajt të akuzuar janë edhe Nexhat Krasniqi, Endrit Shala, Shpëtim Telaku dhe Florim Zuka.

Në fjalën e tij përfundimtare Fatmir Limaj, të mërkurën tha se nuk ka asnjë provë që e implikon atë në korrupsion, pasi siç deklaroi ai, në fjalën e prokurorit në asnjë shkresë, e në asnjë dokument nuk është thënë se ka ndodhur ndonjë keqpërdorim gjatë kohës sa ai ka qenë ministër.

Limaj ka pohuar se është krenar që pas 2764 ditëve, ajo që e ka thënë është provuar pasi sipas tij nuk është prezantuar asnjë provë që vërteton akuzën e prokurorisë.

Gjithashtu, ai tha se atij i është bërë një gjyq publik, dhe se njerëz dhe disa media, nuk kanë lënë asgjë pa bërë në tendencë për të shkatërruar personalitetin e tij.

Limaj ka sqaruar se ky gjykim ka filluar me një letër dhe me atë letër do të përfundojë./ CityNews





Lajmet e fundit nga