web counter
LEXO PA REKLAMA!

SHKARKO APP

App Store
Google Play

Sherr në Komisionin e Ekonomisë/ Përplasje mes Shehut dhe Braçes

23 Nëntor 2017, 10:36, Aktualitet CNA

Mbledhja e sotme e Komisionit të Ekonomisë është shoqëruar me debate të forta mes përfaqësuesve të mazhorancës dhe opozitës.

Debatet e forta pothuajse kanë degjeneruar në përplasje fizike mes deputetit të PD, Agron Shehaj dhe kryetarit të këtij komisioni Erion Braçe, ndërsa është dashur ndërhyrja e gardës për qetësimin e situatës.

Mësohet se ka qenë duke u diskutuar për organet e Vettingut, ku e pranishme ka qenë dhe ministrja e Drejtësisë, Etilda Gjonaj. Aty ka ndërhyrë deputeti i PD, i cili ka thënë se këto organe nuk do të jenë të pavarura, dhe pas kësaj deklarate situata është tensionuar, duke degjeneruar në një përplasje mes dy deputetëve.

Agron Shehaj ka kërkuar të flasë më gjatë, si edhe ministra Gjonaj të qëndrojë më shumë në komision, por nuk është lejuar nga kreu i komisionit, Braçe.

Pas kësaj, deputeti demokrat i është afruar kreut të komisionit, Braçes, i tensionuar, por ka qenë një gardist që ka ndërhyrë menjëherë, duke kapur për krahësh Shehajn për ta larguar.

Pas kësaj situate deputetët e PD kanë braktisur mbledhjen e Komisionit të Ekonomisë./ CityNews





Lajmet e fundit nga