web counter
LEXO PA REKLAMA!

SHKARKO APP

App Store
Google Play

E fundit!

x

BROÇKULLËN E PËRDITSHME FALNA O ZOT!

8 Nëntor 2017, 08:39, Aktualitet CNA

“Qiellori??

Nuk mungoi Kryeministri i Shqipërisë në përrallisjen monotone të javës, ndonëse ngjarjet politike, ekonomike dhe sidomos ato të sigurisë në Shqipëri kanë precipituar drejt një konteksti katastrofik, nën drejtimin dhe administrimin e qeverisjes së tij.
E vetmja risi ishte se kujdestarët e imazhit të Kryeministrit, këtë herë e sollën si qiellor të na shiste dogmën e tij: Dekori dhe drita nuk ishin ato artificialet e studjos “ERTV”, as të zyrës me flutura e kandrra të  kryeministrisë, por qielli i hapur. Shumë qiell. Dhe koka e tij atje. Me një kënd drite të studjuar për të maskuar fytyrën e vrerosur e pak të çuleshur, ku fokusohej mirë goja mbi shpatullat e bustit që fliste.
Drita pulsante e kamerës bashkë me fletushkat e fjalimit përkonin me telespektatorin  ku duhet të shikojë folësi, ishte vendosur në pozicionin e duhur poshtë… Sidoqoftë një gjetje në kompleks e përgëzueshme. Qiell, re, lojë drite dhe bust i brengosur ia kanë dalë të na e paraqesin iluzionin qiellorit, që flet nga “Olimpi.?
Këtej poshtë, ne të tjerët, të gabueshmit, mëkatarë duke kënduar lutjen: “…Zoti ynë që je në qiell, broçkullën e përditshme falna sot…!”

-Çfarë tha “Qiellori” ynë;

Fjalimi i ngeshëm me plot njezetë minuta. Monolog “senso unico” me pauza e fjalë të frymëshme, proliks, ripetitiv, po me ton didaktik që ne këtu poshtë të kuptojmë, sidoms të mësojmë prej Tij.
I gjithë lajmi (jo i padëgjuar,) që normalisht i takonte Kryeministrit ta komunikonte, ishte se: Ai, do të ndërtonte një polici tjetër sekrete, speciale, për luftën kundër krimit që ka depërtuar muret e “rilindjes”, dhe ka tentuar që ti marrë atij nga duart “Shqipërinë që duam.? Ekspertë te huaj FBI, gjermanë e italianë, do të zbarkojnë ne Tiranë. Kaq lajmi. Pikë.
Pjesa tjetër broçkulla të dominuara nga leksiku tij, sukses, bëjmë shtet, përpjekje titanike të kryeministrit në krye të detyres, dhe krenar ?…siç jam edhe unë…,-shton. Shqipëria e sotme nuk ka të krahasuar me atë të katër viteve më parë, falë qeverisjes së  ?qiellorit.?
Kurse në anën tjetër të barrikadës, broçkullima kryeministrore i ka vendosur, të gjithë bashkë opozitë, krim, korrupsion, llum e baltë, kazan mediash të shitura, që nxijnë e errësojnë imazhin e Shqipërisë dhe Qeverisë, drejtësi e korruptuar, trafik, drogë…

?Qeveria robëtohet për popullin, mirëqënien e tij, përparimin ekonomik, integrimin, policinë dhe shtetin që duam. Populli beson e shpreson tek rilindja sepse në kater vjet ka bëre “gjera” të paimagjinueshme…, prandaj vijnë miqtë e huaj antikrim për të ndihmuar Qeverinë e  Kryeministrit dhe policinë tonë “të suksesshme” madje të huajt vijnë shi, të shpëtojnë vetë Kryeministrin tonë nga llumi dhe balta që hedhin opozita, krimi dhe mediat e kazanit ndaj tij.
?…balta e hedhur mbi kryeministrin ka qënë me doza elefanti…? Pastaj përmend fëmijët e vet dhe të atyre që besojnë Edin në detyrën e tij kaq të lartë- kryeministri siguron se nuk do ta zërë gjumi për luftën patriotike për Shqipërinë që duam…, ?siç e dua unë??

?Qiellori? dhe qelbësirat

Megjithëse e di se theatron vetëm për auditorin përtac që i hapet goja, indiferentët e marrë peng për arsye të një rroge në administratë dhe “rilindësit? të vet që i beson verbërisht, prap se prap nuk heq dorë nga vesi i demagogut.
Këta mbasi i ka tulatur me pallavra, herë pas here u zhvesh dhëmbët me shantazhin e turpshëm të katër viteve të shkuara, ?s?keni parë gjë akoma…,? por këtë herë të kamufluar në një tjetër strukturim;
“…Këtu do jemi e do të shohim, kush e lufton krimin që të fitojë Shqipëra dhe kush politiken me krimin e ka mjet për të sulmuar politikisht kundërshtarin apo për të  mbrojtur politikisht veten jo nga krimi, por nga drejtësia…”

Lexuesi i ?hartimit? javor ka filluar të kuptojë se tashmë janë bërë shumicë ata perfshirë dhe faktorin nderkombëtar, të cilët e kanë marrë vesh se kush ka politikuar me krimin, jo vetëm për të mundur kundërshtarin, terrorizuar, goditur deri fizikisht, kush i ka blerë zgjedhjet dhe me çfarë lekësh i ka blerë ato, po dhe cili është produkti politik i këtij bashkëpunimi; Ai vetë me shumicën e vet politike që po i bëjnë gjëmën Shqipërisë.

Spinoza njeri nga filozofët e mendimtarët racionalistë me te medhenj te shek.XVII nenvizon: “…mbetet detyrë e demokracisë që t’i përmbajë njerëzit (e politikës) brenda kufinjëve te arsyes, për te jetuar paqen…”
Ndërsa, në botën e zhvilluar, gjithçka intelektuale e çdo krahu politik investohet tek arsyeja për mbrojtjen e paqes, krejt ndryshe eshtë e kolauduar teknika e autokratit tonë i cili u fryn zjarreve irracionale të pasionit negativ; urrejtjes, frikës dhe indinnjimit, që të shpëtojë karrigen.
Ndaj këtë fillimjavë improvizoi dekorin e qiellit për tja bërë me sy nga lart popullit dhe putharakëve të vet, se  nuk është më ai i ?qelbësirave? që krijoi mizerjen shqiptare, por është ?qiellor? që ka me vete jo vetëm formulën e lumturisë së popullit, po dhe mekanizmin e rrufeve dhe të shenjestrës.
?Qiellori ynë atje në qiell, broçkullën e perditshme falna sot??

Zef Zefi





Lajmet e fundit nga