web counter
LEXO PA REKLAMA!

SHKARKO APP

App Store
Google Play

E fundit!

x

Humbja e tabletit me të dhëna sekrete/ Reformë e thellë në Shërbimin Sekret  

7 Nëntor 2017, 10:04, Aktualitet CNA

Pas largimit nga kreu i Shërbimit Informativ Shtetëror të Visho Ajazi Likës, struktura e shërbimit të këtij institucioni do ti nënshtrohet një reforme të thellë për ta rikthyer në normalitetin e duhur veprimtarinë e dëmtmtuar rendë veçanërisht pas humbjes së tabletit nga ana e ish drejtuesit Ajazi.

Referuar burimeve nga mbledhja e djeshme e Komisionit parlamentar të Sigurisë, ku çështja e buxhetit të SHISH ishte në fokus të diskutimeve, mësohet se është planifikuar që reformimi të nis qysh tek rikonstruksioni i godinës, blerja e aparaturave të reja të përgjimit  si dhe pajisjeve të tjera që kanë të bëjnë me punën e këtij institucioni. Për të arritur objektivin e modernizimit të teknologjisë Komisioni parlamentar i Sigurisë vendosi miratimin e rritjes së fondeve 1.5 miliard lekë të planifikuar për shërbimin. Së bashku me futjen e teknologjisë moderne, fondet e shtuara do ti hapin rrugë edhe rekrutimit të kontigjentit të punonjësve të rinj.

Të njejtën kërkesë për rritje të fondeve të planifikuara, SHISH e ka paraqitur edhe vitin e shkuar, por kjo iu hodh poshtë, ndërkohë që iu hap drita e gjelbër pikërisht disa ditë pasi ish kreu i saj Visho Ajazi Lika dha dorëheqjen nga drejtimi. Duke i hapur kështu rrugë reformimit të institucionit sipas parametrave të shërbimeve homologe perëndimore. Aq më tepër bëhet e domosdoshme ndërmarrja e një reforme të thellë tashmë kur humbja e tabletit me të dhenat sekrete e top sekrete nga Visho Ajazi Lika në Bruksel përbën rrezik dekonspirimi të gjithë veprimtarisë së Shërbimit Sekret, thanë ekspertët e sigurisë./CityNews





Lajmet e fundit nga