Problemi fillon kur të vendoset ligji!

5 Nëntor 2017, 20:50, Aktualitet CNA

Ka një retorikë të rritur dhe një shfrenim të fantazisë për luftën kundër krimit dhe korrupsionit javën e fundit, edhe për shkak të telenovelave të prodhuara me personazhe joshës për publikun si Saimir Tahiri. Kemi një shpërthim të opozitës në delir, aq sa I duket sikur nuk ka punë me krimin dhe korrupsionin, një shpërthim të Edi Ramës si luftëtar I madh premtues, sikur e ka marr pushtetin javën që shkoi, një iluminim të LSI kundër korrupsionit, dhe një kakofoni lajmesh në gjithë shtypin për krim vjedhje e vrasje, sa t ë krijohet ideja se në kët vend nuk ka më asnjë të korruptuar, por një shqoëri vigjilente ndaj viktimës së rradhës që kapet dhe kryqëzohet verbalisht.

Kjo është një nga ato situatat tragjiokomike në një vend, që nëse e shikon nga jashtë thua se është vendi më antikorruptiv në botë dhe shoqëria më e pastër që nuk e pranon atë. Kur dëgjon Sali Berishën se si flet, ti mendon se nuk është ai që ka vrarë katër qytetarë dhe I ka ikur drejtësisë, apo nuk është I biri I tij ai që varrosi 26 vet për disa miliona më shumë dhe nuk u hetua kurrë. Kur dëgjon LSI thua ku paska qenë më pare kjo parti të shpëtonim nga korrupsioni. Kur dëgjon Edi Ramën sot tek beteja e premtuar kundër krimit, thua kush e ka penguar këtë në këtë betejë.

E vëretat është se shqiptarët nuk po përjetojnë një betejë kundër krimit, por një periudhë të ?qejfit? pë rluftë kundër krimit, ku të gjithë duan të bërtasin ?hajduti? për të mos u dukur hajdut.

Problemi real është, se beteja kundër korrupsionit dhe krimit të organizuar do të filloj jo si aksion politik, por si hap instaucinal. Fillimi I procesit të Vetingut dhe nevoja që Shqipëria të bëhet një vend I besueshëm në Pranverë, kur pritet të hapen negocitat do të coj këto kohë, shumë vet drejt qelive. Dhe është e sigurt që do të jenë të gjithë nga rradhët e këtyre që po flasin kundër krimit e korrupsionit këto ditë.

Jo vetëm ekspertët e FBI, apo stukrua të tjera hetimi ndihmëse, por vet sistemi I Vetingut për drejtësinë e më pas për politikën e shtypin, do të dorzoj para ligjit njerëz që nëse lexojnë cfarë kanë shkruar e folur këtë javë, nuk do tu besojnë syve. Aty do të nisi problemi real.

Sot është e lehtë të flasësh, sidomos kur I kryqëzuar është një djal I ri I shkolluar në Londër, I papërgjegjshëm në veprimet e tij, trashëgimgtarë I një perandorie bizesi të babait të tij, nën modelin e të bërit biznes në Shqipëri, me plot element telenovele Brenda historisë. Kaq mjafton që të gjithë të bëjnë profetin. Por Oresti ëhstë larg të qenit një viktimë e fillimit të drejtësisë. Ai është një I ndaluar në postabllok nga rastësia. Problemi do të nis kur të ndaluarit nuk do kapen në semafore, apo rrethrrotullime por në zyrat dhe shtëpitë e tyre, për ato që kanë bërë.

E vetmja gjë e mirë që po bëjnë socialistët është që nuk po e politizojnë këto beteja kundër njerëzve të tyre, por po ja lënë drejtësisë e nuk po përfshihen. Duhet të bëhen të gjithë gati ti rrijnë larg debatit nëse kryetari partisë tyre, ish ministri I tyre, ish pronari I medias së tyre apo kompanisë së tyre, del njeri me problem me ligjin. Atëhere do të ketë vërtet nevojë për debat gjakftohtë për atë që mund të ndodh. Thjesht duhet të mësohemi me kulturën e përballjes me ligjin dhe jo me kulturën e përbaltjes nga mungesa e ligjit.

Dhe nuk është se ka një plan se kush do arrestohet apo hetohet, sic thonë lart e posht plot delirantë. Ka vetëm një plan, që do hetohet dhe nuk dihet se kush ngel në atë rrjet. Aty nis problemi I vërtet I debatit për krimin, korrupsionin dhe shtetin ligjor. Kjo do të duket si gjimnastikë para fillimit orarit të punës./Mero Baze-TemA