E fundit!

09:06 Kronika

Të shtënat me armë në Shkodër/ Arrestohen 2 persona

Specialistët për Hetimin e Krimeve të Komisariatit të Poli...

U akuzua si hajdut dhe qoftexhi/ Reagon kryebashkiaku i Dibrës: Je goca e Ymer Lalës me të kaluarën dhe të tashmen e larmishme që ka babai yt do dalësh e humbur dhe e dëmtuar

3 Nëntor 2017, 22:04, Aktualitet CNA

Deputetja e Qarkut të Dibrës, Reme Lala e zgjedhur nga PDIU por që më vonë deklaroi se do i bashkohej kryeministrit Edi Rama, ka akuzuar dje nga Kuvendi kryetarin e Bashkisë se Peshkopisë, përfaqësuesi PS-së duke thënë se është në shërbim te bizneseve të veta. Por sot ka reaguar kryetari i Bashkisë Muharem Rama, i cili pasoi Shukri Xhelilin. Deputetja e re Reme Lala deklaroi se Bashkia Dibër është inekzistente.

?Një ose dy dite në jave shkon kryetari i bashkisë në bashki nga 20 minuta dhe atëherë pasi të ketë pirë nja 5 dopio raki. Dhe ato pak shkresa që firmosen që janë në interesat e kryetarit e rrethit të ngushtë shoqëror të tij, janë të njollosura me yndyrë qoftesh dhe të lagura nga rakia, sepse firmosen nëpër qebaptore?, tha ajo.

Nga ana tjetër kryebashkiaku i Dibrës ka disa këshilla për deputeten e re duke i kujtuar mirë prejardhjen. Ai i sugjeron të mos gërmojë në jetët e të tjerëve e as të bëj Gjykatësen dhe Prokuroren nëse do të jetë nga ato politikane që betejat e tyre nuk do i zhvillojnë duke drejtuar gishtin por duke përveshur mëngët.

Rama shkruan ndër të tjera se ajo u zgjodh deputete nga administratë dhe punonjës të futur në punë në këmbim të votës dhe e cilëson si pa kapacitet profesional.

STATUSI I MUHAREM RAMËS

Po i përgjigjem shkurt zonjushës Lala, të bijës së Ymer Lala për të gjithë ju që e njihni, jo duke e sulmuar me të vetmin argument ?shpifjen? ashtu si ajo keq e nisi fjalimin e saj të parë e as duke u mbrojtur për çka llogari do t?i jap vetëm bashkëqytetarëve të mi dhe askujt tjetër, por duke e këshilluar publikisht, meqenëse gjykoj se si e re që është në politikë, ka nevojë shumë!

Përpara se të nxjerrësh në pah hallet e dibranëve që nuk janë as më shumë dhe as më pak nga problemet e të gjithë qytetarëve në shumicën e Bashkive të vendit tonë, dhe fort në emër të tyre të flasësh eja në Dibër sidomos Peshkopi meqenëse aty more edhe shumicën e votave të tua dhe njihu nga afër me çfarë në të vërtetë janë nevojat e njerëzve të thjeshtë, e qytetit dhe fshatrave që në bashkinë tonë janë aq të largët sa nuk besoj se as i ke parë. Në qoftë se do t?i biesh shkurt se gjatë nuk mund të rrish atëherë për sa të takon infon ta jap unë, në cilësinë e kryetarit të Bashkisë pasi jetoj këtu e 50 vjet në këtë qytet.

Të këshilloj mos të flasësh në emër të së ashtuquajturës parti tënde por ti referohesh gjithmonë votave personale ashtu si edhe vetë i quajte. Dhe e di pse, sepse në Dibër as nuk ka elektorat çam dhe aq më pak votues që të njohin kauzat e shenjta do të thosha të kësaj Partie. Mjaft ju mor vota dibranit me mashtrime e gënjeshtra, intriga e presione, me bukë e kërbaç, mos i ngatërro edhe më këtë pjesë se nuk e meritojnë kaq shumë t?jua fyesh inteligjencën.

Denoncimet e problematikave sidomos atyre me karakter teknik përpara se t?i bësh përpiqu t?i kuptosh si për nga natyra dhe vërtetësia ashtu edhe për sa i përket zgjidhjes që ofron. Kjo do të bëjë një politikane të besueshme, më beso. Ke të drejtë Bashkia Peshkopi nuk funksionon ende ashtu si unë do doja dhe as si i kam premtuar elektoratit, së pari atij që më ka votuar por jo vetëm dhe kjo e di pse, pasi kemi qenë shumë të ngadaltë në reformën që duhet të bënim tek administrata që gjetëm këtu e 11muaj më parë.

Administratë dhe punonjës të futur në punë në këmbim të votës që të bëri ty deputete por pa kurrfarë kapaciteti profesional. Kjo patjetër që ka pasur dhe vazhdon të ketë përsëri efekte negative në performancën në tërësi të institucionit, por të premtoj se ka filluar të ndryshojë dhe do të vazhdojë me ritme të shpejta.

Nuk duhet të gërmosh në jetët e të tjerëve e as të bësh Gjykatësen dhe Prokuroren nëse do të futesh tek ajo kastë e re politikanësh që betejat e tyre nuk do i zhvillojnë duke drejtuar gishtin por duke përvesh mëngët e fut punës dhe për të cilën vendi ynë ka aq nevojë. Pastaj të jesh e sigurt që me të kaluarën dhe të tashmen e larmishme që ka babai yt do dalësh e humbur dhe e dëmtuar. Dëm ky që unë personalisht mendoj se je shumë e re për ta merituar.