web counter
LEXO PA REKLAMA!

SHKARKO APP

App Store
Google Play

Nis vetingu/ Kontroll të rreptë kryeprokurorit Llalla

2 Nëntor 2017, 09:45, Aktualitet CNA

Adriatik Llalla. i cili që prej shtatë vitesh mban detyrën e kryeprokurorit të përgjithshëm të Republikës është zyrtari i parë i lartë i prokurorisë me të cilin ka nisur procesi i vettingut.

Së bashku me lajmin gazeta ?sot? ka raportuar se për vettingun e Llallës do të ndiqet një procedurë special, kjo për vetë rendësinë që mbart posti i tij, por edhe për të verifikuar gjithsa flitet rreth përfshirjes së institucionit që ai drejton në afera korruptive me një seri dosjesh.

Komisioni i Pavarur i Kualifikimit do të verifikojë çdo kompetencë që ka pasur Adriatik Llalla, në fushëm e emërimeve dhe shkarkimeve.Kohështrirja e kontrollit në këto kompetenca do të jetë për tre vitet e fundit.

Por nën sitën e kontrollit do të jetë edhe ndikimi që ka pasur Llalla mbi çështje të caktuara hetimore. Çfarë masash ka marrë ai ndaj kallëzimeve dhe padive që janë bërë në Prokurorinë e Përgjithshme dhe sa korrekt ka qenë në hartimin e rregulloreve dhe udhëzimeve.

Një rëndësi të madhe do të kenë masat disiplinore ndaj pesëdhjetë prokurorëve të kapur në shkelje, por do të verifikohen edhe pasuritë e kryeprokurorit, i cili është vetëdeklaruar se disponon jo pak pasuri të paluajtëshme.

Nga ana tjetër, do të verifikohen dhe pronat në emër të familjarëve të kryeprokurorit, të cilët janë jashtë vendit. Ndërkohë edhe sa i takon pastërtisë së figurës, po kryhen lëvizje shumë të forta nga DSIK dhe SHISH për të verifikuar nëse Kryeprokurori ka pasur kontakte me kontigjentë të botës së krimit.

Për Kryeprokurorin do ketë një fokus më të madh nga ekspertët e SHBA dhe BE, për shkak të rolit të tij, por dhe përplasjeve të shumta që ka pasur me diplomatët dhe politikanët. ./CityNews





Lajmet e fundit nga