web counter
LEXO PA REKLAMA!

SHKARKO APP

App Store
Google Play

Kufiri Kosovë-Mali i Zi/ BE i mbyll portën qeverisë Haradinaj

1 Nëntor 2017, 02:00, Aktualitet CNA

Ish deputetja e Parlamentit Evropian, Ulrike Lunaçek, ka thënë se Bashkimi Evropian nuk njeh marrëveshje të re për demarkacionin, ndërsa ka kërkuar nga presidenti Hashim Thaçi që të mos e quajë mashtruese BE-në, për një marrëveshje të cilën e ka nënshkrua vet.

Ajo ka kërkuar nga deputetët e Kuvendit të Kosovës që ta votojnë marrëveshjen për demarkacionin e kufirit me Malin e Zi, në mënyrë që qytetarët e Kosovës të kenë të drejtë të udhëtojnë në vendet e BE-së pa viza.

?Do të doja t?i bëja thirrje secilit tani në Kuvendin e Kosovës që të ecë përpara dhe ta ratifikojë demarkacionin me Malin e Zi. E di që kryeministri i ri e ka emëruar një komision të ri, por tash topin e ka Kuvendi i Kosovës.Duhet ta shfrytëzoni këtë mundësi sepse kjo derë mund të ju mbyllet. Duhet ta bëni tani sepse ka të bëjë me të drejtat e qytetarëve që të lëvizin lirshëm.Ky është kusht për liberalizimin e vizave dhe Kosova ka pasur kufij të qartë me Shqipërinë e Maqedoninë, por jo me Serbinë dhe Malin e Zi?, ka artikuluar Lunaçek, e cituar nga ?Bota sot?, edhe për takimin me Presidentin.

?Me Presidentin isha shumë e sinqertë sepse ai ka ngritur zërin, ku ka thënë se BE i ka vënë në kurth më marrëveshjen. Unë i thash që ju zoti Thaçi ishit ministër i Punëve të Jashtëm, kur e nënshkruat atë, dhe i kam thënë se kjo nuk është mënyra për të ecur përpara. Kosova e ka ditur nga 2013, kurse fajësim i BE-së, është në kundërshtim të plotë, ai nuk ka të drejtë. Ramush Haradinaj tani po përpiqet të gjej rrugëdalje, por në BE e kemi të qartë marrëveshjen e cila është nënshkruar. Mali i Zi e ka ratifikuar tashmë?, ka vlerësuar ish deputetja e PE-së, Ulrike Lunaçek.





Lajmet e fundit nga