web counter
LEXO PA REKLAMA!

SHKARKO APP

App Store
Google Play

Policia aksion ndaj drejtuesve të motorëve / 4 të arrestuar

22 Tetor 2017, 11:44, Aktualitet CNA

Policia e Elbasanit gjatë 24 orëve të fundit ka ndërmarrë një aksion ndaj motorçiklistëve, për rritjen e sigurisë në rrugë. Nga ky aksion raportohet të jenë vënë në pranga 4 drejtues motorësh.

Sipas policisë të arrestuarit akuzohen se kanë shkelur kodin e qarkullimit rrugor duke drejtuar mjetet e tyre pa lejen përkatëse të drejtimit. Me këtë motivacion janë arrestuar 3 prej tyre, ndërsa ndaj të katërtit rëndon akuza “Mosbindje të urdhërt të policisë së rendit publik”.

Policia shprehet se të arrestuarit janë:

1. M.H., 18 vjeç banues në Elbasan.

Arrestimi i tij, u bë pasi në rrugën ?Aqif Pasha?, u kap nga shërbimet e policisë rrugore duke drejtuar motorçikletën pa leje drejtimi. Gjithashtu ky shtetas nuk i është bindur urdhërit të punonjësit të policisë së rendit publik.

2. Qemal Banka, 30 vjeç banues në Elbasan

Arrestimi i tij, u bë pasi në rrugën ?Aqif Pasha?, u kap nga shërbimet e policisë rrugore duke drejtuar motorçikletën pa targa dhe pa leje drejtimi.

3. Resmi Muça, 24 vjeç banues në fshatin Godolesh.

Arrestimi i tij, u bë pasi në rrugën ?Tomorr Tomi? u kap nga shërbimet e policisë rrugore duke drejtuar motorçikletën pa leje drejtimi.

4. Brahim Rroma, 62 vjeç banues në fshatin Tunjë Gramsh.

Arrestimi i tij, u bë pasi më datë 20.10.2017 në Gramsh duke drejtuar mjetin motorçikletë tip ?Lifan? ka aksidentuar këmbësoren shtetasen Sh.T., 58 vjeçe banuese në Gramsh, e cila ndodhet në spitalin e Gramshit, jashtë rrezikut për jetën. /CityNews





Lajmet e fundit nga