E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Noka: Ja pse e nxori kokën Rama, pas 4 ditëve që fshihej

22 Tetor 2017, 12:46, Aktualitet CNA

Deputeti i Partisë Demokratike, Flamur Noka, ka reaguar pas takimit të kryeministrit Edi Rama me punonjësit e Policisë së Shtetit.

Me anë të një postimi në rrjetet sociale, Noka shprehet se kryeministri Edi Rama, u bë i gjallë vetëm pasi mori garancinë nga ish-ministri i Brendshëm Saimir Tahiri, se nuk do e marrë me vete në pusin e thellë të drogës e parave të pista.

“4 ditë u fsheh, nuk e pa njeri ku kishte futur kokën, jepte e merrte me Tahirin, i conte emisarë e ndërmjetës, dhe pasi nënshkroi paktin me të, paktin ku ish-ministri nën akuzë ndërkombëtare për trafik droge nuk do e marrë me vete në pusin e thellë të drogës e parave të pisëta ku janë zhytur bashkë, e bashkë me të dhe shumë ministra e familjarë të tij, vetëm pasi u sigurua që Tahiri sdo flasë, dhe pasi Tahiri mori mbrojtje prej tij duke mos lejuar prokurorinë të bëjë punën e saj, Edi Rama u shfaq në publik.
4 ditë në errësirë, në ethe, merr e jep mes kupolës mafioze të vendit, këto 4 ditët e fundit kanë treguar për cdo shqiptar, për të madh e të vogël, se cili është narko-shteti që kishim në 4 vite.”, – shkruan Noka.

Sipas Nokës, Edi Rama tregoi vetë se ishte ai që qëndronte në krye të narko-shtetit të ngritur që nga viti 2013.

“Dhe kush ishte në krye të këtij narko shteti? Ai u denoncua vetë faqe gjithë botës. Ishte ai që u zhduk në këto 4 ditët e fundit ku të palarat dolën në shesh. Që nuk ia pa askush fytyrën. Mori garanci nga Tahiri që sdo flasë për përfshirjen e tij direkte, që sdo përdorë prova, filmime e fakte që ai i ka për të, për ministra e për olsa, dhe pas kësaj u shfaq me predikimin e zakonshëm, dhe sulmin ndaj opozitës.
Edi Rama është i vetmi që i merr shqiptarët për budallenj, sikur nuk e kuptojnë cfarë ndodhi., – thekson Noka.

Më tej ai i ka drejtuar disa pyetje kryeministit Rama, teksa i thotë: “Pse u zhduke këto 4 ditë?
Ku ishe futur?
Cfarë ka Tahiri për ty, që të bëri të fshihesh në skuta të errëta?”, – ndërsa shton se, “Por nga ana tjetër, për shqiptarët u bë e qartë gjithcka;
Ti zgjodhe Tahirin, përpara drejtësisë italiane, përpara partnerëve ndërkombëtarë, përpara drejtësisë shqiptare.
Ti zgjodhe Tahirin përpara qytetarëve shqiptarë, edhe pse i faktuar me mijëra faqe nga drejtësia italiane si i përfshirë direkt në trafik droge.
Ti zgjodhe kupolën mafioze, paktin me krimin, dhe jo të ardhmen e vendit.
Pse e bëre këtë zgjedhje???Shumë e thjeshtë; sepse zgjodhe për të mbajtur edhe ca kohë pushtetin. Rruga tjetër, lëshimi i Tahirit, lënia e drejtësisë të funksionojë, ishte tatëpjeta jote, fundi më i keq, më dramatik se cdo ankth që ke përjetuar këto 4 ditë.”.

Sipas Nokës, zgjedhja që bëri Edi Rama është rruga më e shkurtës, por jo ajo më e sigurta, pasi zgjidhja finale dhe e sigurtë është rrëzimi i tij.

“Kjo që zgjodhe, është rruga më e shkurtër, por jo më e sigurta.
Edi Rama ka fituar vetëm pak kohë.
Por fundi eshte i afert….Tashme nuk ka zgjidhje tjeter vec rrezimit te tij ..”, – përmbyll Noka reagimin e tij. /CityNews