web counter
LEXO PA REKLAMA!

SHKARKO APP

App Store
Google Play

E fundit!

x

Skandali me prokurorët shqiptarë/ Llalla kundër prokurorit të Tiranës

18 Tetor 2017, 10:13, Aktualitet CNA

Një vit më parë CityNews.al denoncoi nëpërmjet disa fotove ekskluzive një takim të prokurorit të Tiranës, Petrit Fusha me kryebashkiakun Erion Veliaj.

Takimi i një prokurori me kryetarin e Bashkisë në të njëjtin qytet ku ata ushtrojnë funksionet e tyre është diçka normale në një shtet ku vërtetë funksionojnë institucionet dhe ruajnë raportet e tyre legale.

Pikërisht ashtu siç e interpretoi Veliaj takimin e tij me Petrit Fushën në kompleksin Taiwan në një drekë dy orëshe në qendër të Tiranës.veliaj-fusha

Por në fakt e vërteta është krejt ndryshe nga ajo që tha Veliaj në atë kohë, këtë e faktoi me qëndrimin e tij edhe kryeprokurori Adriatik Llalla.

Në atë kohë Veliaj drekonte me Petrit Fushën, ndërkohë që kishte disa ngjarje për të cilat kryebashkiaku ishte kallëzuar penalisht, ku më kryesorja është vrasja e Ardit Gjoklaj në një nga ndërmarrjet e kontraktuara nga Bashkia e Tiranës për përpunimin e mbetjeve urbane, pra minimalisht kryebashkiaku i Tiranës ishte një person i kallëzuar dhe dyshuar për  katër apo pesë vepra penale dhe drekonte në restorantet luksoze të Tiranës me prokurorin që kishte në dorë tja hapte gropën apo ta linte Veliajn të qetë.

Çuditërisht pas asaj dreke një firmë e afërt me Petrit Fushën fitoi një tendër disa miliona euro për një investim në qendër të kryeqytetit. Erion Veliaj ishte i dyshuar dhe kallëzuar, Petrit Fusha drekonte me të për shtatë palë qefe a thua se ishte me një qytetar të thjeshtë dhe jo me një person që kishte probleme me ligjin.

Në atë kohë Veliaj u justifikua, fotoja u bë virale në media, lajmi mori dhenë, por çudia më e madhe tre ditë zgjat, tani ndoshta dosjet e Erionit janë mbyllur dhe palët i kanë zgjidhur qokat me njëri-tjeterin.

Dje kemi një tjetër qëndrim, ish-ministri i Brendshëm Saimir Tahiri ndodhej në qendër të akuzave pas publikimit të përgjimeve të kryera nga prokuroria e Katanias në lidhje me trafikun ndërkombëtar të drogës.

Tahiri menjëherë vrapoi për të kryeprokurori Adriatik Llalla, ky i fundit nuk i hapi derën e zyrës pasi e konsideronte person të dyshuar dhe jo më të shkonte të hante drekë siç bëri Veliaj me Petrit Fushën.tahiri-prokurori

Dikush mund ta justifikojë Llalën si një njeri të Ilir Metës, një person që ka pasur përplasje me Saimir Tahirin, por këto nuk thonë asgjë përpara qëndrimit të tij, i cili edhe pse nuk kishte asnjë dosje dhe dokument për një akuzë të ngritur ndaj Saimir Tahirit, mori pozicion duke e quajtur të dyshuar pas daljes së përgjimeve.veliaj fushate

Adriatik Llalla i mbylli derën Saimir Tahirit, dhe ndoshta mori vendimin e duhur duke respektuar ligjin. Të njëjtin veprim nuk e bëri Petrit Fusha, as Erjon Veliaj.

Saimir Tahiri gjeti një derë të mbyllur te Adriatik llalla, kurse Petrit Fusha e priti për të paktën 30 minuta në restorant Erion Veliajn ti shkonte në tavolinë dhe drekuan bashkë. Në atë kohë u tha se fatura u pagua nga një kompani private e cila po organizonte një drekë nga ana tjetër e kompleksit Taiwan.

Për Tahirin pa akuzë, me publikim përgjimesh, Llalla mbyll një derë, për Veliajn me kallëzim dhe dosje në prokurori kreu i këtij institucioni në Tiranë e pret në një restorant luksoz në qendër të kryeqytetit, shtrojnë një drekë mirë e mirë së bashku dhe një tender i dyshimtë pas disa ditësh është qershia mbi tortë.

E pra kjo është prokuroria shqiptare, këta janë dy nga personazhet që sollëm si argument në këtë shkrim, duke i krahasuar me dy personazhe të tjerë politikë, jo se Llalla është më i ndershëm apo më serioz se vetë Petrit Fusha, por në këtë rast ka mbajtur një qëndrim mjaft dinjitoz dhe që e çon me shpatulla pas murit vartësin e tij që drejton prokurorinë e Tiranës.

Po të fillojnë historitë me prokurorin e përgjithshëm, historitë e arrestimeve në vjeshtë, dosjet e krimeve të mbyllura nga ky institucion, po ti vije në një peshore nuk dihet se nga anon kandari./ CityNews





Lajmet e fundit nga