Kush po e sulmon në PS Saimir Tahirin

18 Tetor 2017, 09:28, Aktualitet CNA

Ish-ministri i Brendshëm, dhe një nga njerëzit më të afërt të kryeministrit Rama, Saimir Tahiri është përfshirë ditët e fundit në një skandal përgjimesh të bandës së Habilajve nga Vlora, e cila është përfshirë në trafik ndërkombëtar droge.

Tahiri dje ka mohuar akuzat por përgjegjësinë e shitjes së makinës së tij e ka vetëm ai, të cilën e quajti gabim. Po në atë mjet me targë AA03GB u çua drogë drejt Italisë, në kohën kur ende ky mjet figuronte në emër të Tahirit.

Nga ana tjetër përgjimet kanë nxjerrë edhe të akuzuarit që përmendin ish-ministrin e Brendshëm, për shumën 5 milion euro të fituara në një muaj apo 20 milion euro në fushatë. veliaj-mashtrues11

Përtej këtyre akuzave dhe asaj çfarë thuhet në qarqet politike qëndronte nje betejë e hapur e disa individëve dhe klaneve brenda Partisë Socialiste kundër Saimir Tahirit dhe forcës që ai kishte kur ishte ministër i Brendshëm dhe mbështetjes që kishte nga Edi Rama.

Tahiri e mbajti atë post për katër vite, i dyti pas Kadri Hazbiut në historinë e Shqipërisë.

Tahiri dje në konferencën e tij për shtyp tha se në krah kishte pasur edhe njerëz të cilët do të donte ti kishte përballë, ai nuk foli me emra por i drejtpërdrejtë ishte në qëndrimet e tij.

Fatmir Xhafa, Erion Veliaj, Ilir Meta tashmë president por dhe shumë ministra të tjerë socialistë, kush me vete e ku të gjithë bashkë janë ata që për çështje personale apo të së ardhmes politike kanë goditur, ku përballë e ku pas shpine Saimir Tahirin vetëm disa muaj pasi ai u bë ministër i Brendshëm.

xhafaj tahiri Lufta me Veliajn ishte ekzistenciale, Bashkia e Tiranës do ti jepej trashëgimtarit të Edi Ramës. Betëjën e fitoi Veliaj i cili jo vetëm tashmë ka një superfuqi mediatike bateritë e të ciliës janë kthyer kundër Tahirit por dëgjon dhe shijon rrënimin moral të rivalit të tij brenda PS-së, pa folur për dëshirën për ta parë pas prangave.

Fatmir Xhafa do të donte tja vinte vetë prangat Saimir Tahirit, një përplasje e ashpër mes tyre ka filluar disa kohë më parë. Pasi Tahiri nuk i bëri ?nderin? që Fatmir Xhafa i kërkoi, ky i fundit në qarqet politike fliste për hakmarrjen ndaj Saimir Tahirit që nuk do ta harronte kurrë. meta qellon 2

Përplasjet kanë qënë edhe më të forta me Ilir Metën, akuzat për përgjime, por edhe se Tahiri e luftonte ashpër LSI-në dhe mbështetësit e saj sollën një konflikt të hapur mes tyre.

Shumë nga ministrat e kabinetit Rama u rreshtuan kundër Tahirit, pasi koalicionin me Ilir Metën e shinin si një avantazh për të fituar lehtësisht zgjedhjet pasi e majta e bashkuar mund të çmontonte Partinë Demokratike. Pa LSI-në për shumicen e bashkëpunëtorëve të Ramës fitorja e zgjedhjeve do të ishte më e vështirë dhe më e lodhshme, kjo i bënte ata të ishin kundër veprimeve dhe qëndrimeve të Saimir Tahirit, i cili me shumë gjasa nuk duket ti ketë bërë i vetëm të gjitha, por i orjentuar nga kryeministri i tij Edi Rama, i cili dje e shiti siç ka shitur shpesh bashkëpunëtorët e tij.

Jo gjithçka fillon dhe mbaron tek përgjimet apo skandali i këtyre dy ditëve sepse beteja brenda llojit është ajo më vrastare, se çdo betejë tjetër në politikë./ CityNews