web counter
LEXO PA REKLAMA!

SHKARKO APP

App Store
Google Play

E fundit!

x

Serbia shpërblen komandantët e vdekjes/ I dënuari i Hagës profesor në Akademi

18 Tetor 2017, 20:22, Aktualitet CNA

Gjeneralët dhe zyrtarët e lartë të ushtrisë paramilitare serbe, të cilët mbanin pozita komanduese gjatë luftës së viteve 1998-99 në Kosovë, do të japin mësim në Akademinë Ushtarake të Beogradit.

Duke u referuar një shkrimi të të përditshmes së Beogradit, ?Vecernje Novosti?, kosovarja ?Zeri.info? raporton se në mesin e atyre që do të kthehen si ligjërues është edhe Vladimir Lazareviç, i cili u dënua për krime lufte nga Tribunali i Hagës.

Nga ana tjetër, ministri i Mbrojtjes Aleksandar Vulin ka konfirmuar se ish-komandantët do të jepnin ?rolin e tyre? në arsimin ushtarak, transmeton Indeksonline

?Komandantët e luftës në Akademinë Ushtarake do t?u japin leksione kadetëve, madje edhe gjeneratave aktuale të oficerëve, në njëfarë mënyre, do të thotë korrigjimi i një padrejtësie që u është bërë atyre në të kaluarën vite?, tha Vulin.

Sipas tij, gjeneralët e luftës ?kanë shumë për të mësuar nga kolegët e tyre më të rinj?.

?Veçernje Novosti? raporton se përveç Lazareviçit, në listë përfshihen edhe gjenerali në pension dhe anëtarin e Partisë Radikale Serbe (SRS) Bozidar Deliç, si dhe shefin aktual të Shtabit të Përgjithshëm të Gjeneralit të Ushtrisë Serbe (VS), Ljubisa Dikoviç.

?Ata do të ngarkohen me transferimin e përvojave të tyre të luftës për gjeneratat e oficerëve që aktualisht janë duke u trajnuar në këtë institucion (Akademia Ushtarake)?.

Ky ushtarak i lartë u dënua në vitin 2009 nga Tribunali i Hagës për përgjegjësinë komanduese për krimet e luftës të kryera kundër popullatës civile gjatë luftës së Kosovës. Ndërsa gjatë luftës në Kosovë, Dikoviç komandoi 37 Brigadat e Motorizuara.





Lajmet e fundit nga