web counter
LEXO PA REKLAMA!

SHKARKO APP

App Store
Google Play

E fundit!

x

Trondit gazetarja / Policia e lidhur me autorët e masakrës në Lushnjë, prishën provat

13 Tetor 2017, 20:07, Aktualitet CNA

Gazetarja Klodiana Lala, ka hedhur akuza në drejtim të policisë në lidhje me prishjen e provave të lidhura me masakrën e 2 ditëve më parë në Lushnjë, ku mbetën të vrarë dy persona dhe dy të tjerë u plagosën.

Ndërkohë që grupi hetimor vijon punën për zbardhjen e plotë të ngjarje, gazetarja Lala, u shpreh në emisionin “Byro”, se masakra e Lushnjës ka lidhje me Aldo Baren, kreu i ‘Bandës së Lushnjës’, i cili sot po vuan dënimin ‘burgim të përjetshëm’.

?Unë personalisht mendoj se ka dhe një dorë të tretë. Xhulio Shkurti është i afërmi i Afrim dhe Genci Hoxhës dhe ka djalë dajë Jurgen Hoxhën, i cili mbeti i vrarë të mërkurën. Prokuroria po e shikon me ftohtësi. Detyrë e policisë është që të hetojë të gjitha pistat. Ajo çfarë shikoj është mosfunksionim i sistemit. Laert Haxhiu i cili është shpallur në kërkim është lënë i lirë nga Gjykata.

Një njeri i tillë si ka mundësi që lëviz i lirë? Ky grup kriminal ka disa lidhje me Policinë e Shtetit. Mendoj se janë shkatërruar një sërë provash që më pas i është dhënë liri. Janë shkatërruar prova nga vendi i ngjarjes. Aldo Bare është nën masa të larta sigurie.

Janë shtuar masat e sigurisë në burgun e Peqinit për Aldo Baren. Për mendimin tim ka qenë një vrasje me paramenduar për t?i vrarë në grup. Sajmo Xhelili nuk është plagosur. Ndërsa Xhulio Shkurti ishte larguar vetëm disa më parë?, – tha Lala. /CityNews





Lajmet e fundit nga