web counter
LEXO PA REKLAMA!

SHKARKO APP

App Store
Google Play

E fundit!

x

Meta: Shqiptarët, faktor stabiliteti në rajon

13 Tetor 2017, 13:35, Aktualitet CNA

Në një intervistë për ?Radio Televizionin e Kosovës?, presidenti Meta është shprehur se vizita e tij në Kosovë ka në qendër të gjithë takimeve dhe bisedimeve është forcimi dhe konkretizimi i mëtejshëm i partneritet strategjik midis Shqipërisë dhe Kosovës.

Gjithashtu Meta tha se është një fakt i njohur dhe i gjithëpranuar që Kosova i ka plotësuar të gjitha detyrimet që burojnë nga udhërrëfyesi për liberalizimin e vizave.

Meta është pyetur për kërkesën e Thçit që kosovarët të marrin nënshtetësi shqiptare dhe përgjigja e ti ishte se ?Padyshim që po të varej prej meje dhe thjeshtë për dëshirën e institucioneve të tjera të Shqipërisë, si Parlamenti dhe Qeveria, kjo gjë do të ishte bërë që dje dhe jo që sot. Por duhet të keni në konsideratë faktin që në radhë të parë kjo nuk është një zgjidhje, as afatshkurtër dhe as afatgjatë për qytetarët e Kosovës.?

Meta tha se është tepër e rëndësishme që të bëhen të gjitha përpjekjet, kuptohet edhe pas zgjedhjeve vendore, për një zgjidhje sa më parimore dhe sa më të mençur të çështjes së demarkacionit me Malin e Zi sepse kjo do të zhbllokonte jo thjeshtë liberalizimin e vizave.

?Çështjet e zgjidhjes apo të përcaktimit të kufijve apo të fqinjësisë së mirë janë një standard i rëndësishme i BE-së për të mbështetur aspiratat për integrim të vendeve aspirante.?- u shpreh Meta.

Ndër të tjera, Meta tha se roli i shqiptarëve në tërësi ka qënë pozitiv dhe faktor stabiliteti në rajon.

?Unë besoj se roli i shqiptarëve në tërësi ka qenë një rol mjaft pozitiv dhe konstruktiv. Jo vetëm i Shqipërisë në rajon, i Kosovës, i shqiptarëve të Kosovës, por edhe i shqiptarëve të Maqedonisë ka qenë gjithmonë një faktor stabiliteti dhe një faktor orientues për Maqedoninë në rrugën e integrimeve evropiane, euroatlantike.?- deklaroi Meta./ CityNews





Lajmet e fundit nga