web counter
LEXO PA REKLAMA!

SHKARKO APP

App Store
Google Play

Kryesia e FRPD-së 3 orë betejë me Bashën / Luli me shpatulla pas murit, pranon dështimin

10 Tetor 2017, 19:21, Aktualitet CNA

Kryetari i Partisë Demokratike Lulzim Basha, ka mbledhur kryesinë e FRPD-së prej orës 18:00, mbledhje e cila vijon ende.

Gjatë mbledhjes që po vijon ende, të rinjtë e FRPD-së kanë kryqëzuar Bashën për fyerjen që ai u ka shkaktuar të rinjve me listën e tij duke vendosur humbësat si kandidatë fitues dhe jo përfaqësuesit e të rinjve demokratë, thanë burime nga mbledhja për citynews.al.

Të rinjtë demokratë kanë kritikuar Bashën duke theksuar se nuk janë përfaqësuar në listën e tij edhe pse kanë qenë motorri i fushatave elektorale dhe shpirti i partisë, por u përjashtuan nga kryetari.

Mbledhja vijon prej 3 orësh me debate të forta, ku Basha pranon se nuk i ka përfaqësuar të rinjtë demokratë, dhe ka thënë se “mospërfaqësimi juaj ka ardhur si rrjedhojë e gabimeve të mia dhe jo si pasojë e vullnetit”.

Basha si gjithmonë e ka kthyer pllakën sipas interesit të tij, një kryetar qesharak dhe i pafytyrë, ai ka recituar tekstin e mësuar përmendësh se ishte gati të merrte të gjitha masat dhe përgjegjësitë e tij, priste propozime dhe kërkon përdorimin e instrumentave të duhura për t’i vendosur në statut.

Ka kafshuar gjuhën dhe ka kërkuar falje për mungesën e kryetarit të FRPD-së në listën e kandidatëve për deputet, Bellind Këliçit.

Mbledhja vijon prej tre orësh dhe të rinjtë demokratë vazhdojnë ta vendosin me shpatlla pas murit Lulzimin Bashën dhe e akuzojnë se tradhëtoi të rinjtë, shiti PD-në tek Edi Rama dhe në lista vendosi persona të korruptuar dhe jo përfaqësues të demokratëve. /CityNews





Lajmet e fundit nga