web counter
LEXO PA REKLAMA!

SHKARKO APP

App Store
Google Play

E fundit!

x

Ish-kryetarja e Parlamentit: Në PD nuk ka palë, në Kuvend s'ka politikë

9 Tetor 2017, 20:36, Aktualitet CNA

Ish-deputetja e Partisë Demokratike, tashmë një anëtare e thjeshtë e forcës më të madhe opozitare në vend Jozefina Topalli, e ftuar në emisionin “5 pyetje nga Babaramo”, teksa komentoi situatën aktuale brenda partisë, është shprehur se nuk ka palë në PD.

“Në Partinë Demokratike nuk ka palë, por ka 230 mijë qytetarë apo vota që i mungojnë PD-së”, – tha Topalli, ndërsa shtoi se duke qenë se PD-ja ndodhet në një krizë lidershipi dhe krizë identiteti, është shumë e vështirë që të rikthehet besimi i demokratëve.

Si një nga zërat më kritikë të Bashës, Topalli tha se nuk e ka mbështetur as në fillim kandidaturë e Bashës, dhe mbështetja që i dha Berisha, ishte një gabim që solli këtë situatë që kemi. Po pavarësisht kësaj, Topalli tha se ai është një gabim njerëzor i Berishës.

Teksa u ndal tek aksioni opozitar në Parlament, Topalli u shpreh se aty nuk ka politikë, kjo për shkak se në grupin parlamentar të PD-së nuk ka njerëz që dinë rreth politikës, apo që mund të bëjnë politikë.

Ajo shkoi edhe më tej ku tha se ata as nuk kanë të bëjnë as edhe me Partinë Demokratike, dhe Basha zgjodhi në listën e tij persona që nuk kanë dhënë në PD. Si rezultat shtoi Topalli, kemi humbjen e thellë në zgjedhjet e 25 qershorit.

Topalli komentoi mënyrën sesi Gramoz Ruçi po bën kryetarin e Parlamentit, ku tha se nuk mund të drejtohet në të tillë formë me dorë të hekurt Parlamenti, aq më tepër kur kërkohet e drejta e fjalës. Sipas ish-kryeparlamentares, 1 deri në 4 minuta shtesë mund të lejohen. /CityNews





Lajmet e fundit nga