web counter
LEXO PA REKLAMA!

SHKARKO APP

E fundit!

x

ISP thirrje Kuvendit/ Hetoni deputetët për pagesat fiktive

8 Tetor 2017, 19:26, Aktualitet CNA

Instituti i Studimeve Politike, përmes një postimi në rrjetet sociale i bën thirrje Kuvendit të hetojë deputetët që abuzojnë me pagesat fiktive.

Të paktën deputetë, ndonëse kanë banesa private të verifikueshme në Tiranë, deklarojnë në Kuvend një vendbanim tjetër , kryesisht në zonat e largëta elektorale.

Sipas Institutit të Studimeve Politke, me këtë veprim ata përfitojnë trajtim të veçantë financiar për udhëtimin e strehimin që shkon në konvertim nga 500 deri në 1100 euro/muaj. Pra përmes deklarimeve fromale (certifikata e regjistrim në zonat elektorale) ata zyrtarisht quhen të pastrehë në Tiranë dhe trajtohen si të tillë, megjithëse posedojnë në Tiranë apartamente, vila apo banesa të tjera private e familjare.

Sipas ISP, në rastin e deputetëve që kanë bërë deklarime të tilla, nuk ka pasur hetim dhe nuk ka praktikë aktuale hetimore. Rregullorja e Kuvendit dhe ligji mbi Statusin e Deputetit nuk përcaktojnë mekanizma verifikimi, por marrin të mirëqenë deklarimin e vetë deputetit./CityNews





Lajmet e fundit nga