E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Lulzim Basha kërkon të bëjë viktimën/Këmbëngul të përjashtohet

5 Tetor 2017, 10:07, Aktualitet CNA

Sot parlamenti ka filluar me disa debate ku PD kërkon diskutimin gjatë seancës përpara miratimit të ngritjes së Komisionit për Reformën Zgjedhore.

Palët kanë debatuar dhe kanë dalë disa detaje që rendi i ditës të seancës ishte vendosur me konsensus dhe komisoni po ashtu.

Edmod Spaho kreu i grupit të PD, kërkoi të zhvillohet sot debati, Petrit Vasili i LSI tha se ishin të papërgatitur, Taulant Balla i PS e kundërshtoi debatin , Kreu i Kuvendit Gramoz Ruçi e shtyu për një javë këtë çështje por ka ardhur menjëherë reagimi i Lulzim Bashës.

Basha ka kapur foltoren e parlamentit është rrethuar nga deputetët demokratë dhe nuk ka lejuar të vazhdojë seanca. A thua se kishte ndonjë çështje të madhe dhe çfarë kishte ndodhur.

Në fakt komisoni është ngritur me konsensus dhe debati mund të bëhet edhe pas një jave sepse komisioni efektet e tij i shtrin në zgjedhjet e ardhshme vendore apo parlamentare.

Me veprimin e tij çuditërisht Lulzim Basha duke qartazi se kërkonte të viktimizoheshe kërkonte të përjashtohej me çdo kusht që të dilte hero.

Ishte një vërejtje dhe 3 paralajmerime nga kreu i Kuvendit Gramoz Ruçi por Basha nuk largoheshe, dukej shumë i tensionuar dhe kishte vendosur që të krijonte një incident i cili do të sillte përjashtimin e tij për tu viktimizuar dhe për të dalë më pas hero.

Lulzim Basha dhe deputetët e tij votuan zgjedhjen e Gramoz Ruçit Kryetar Kuvendi, sot Lulzim Basha i kërkoi shpërblimin kryetarit të parlamentit që ai ta përjashtonte pasi Luli kërkon vëmendje.

Ai sillet herë si femijë grindavec herë si i ditur apo i paditur duke pasur një qëllim të vetin , të tërheqë vëmendjen nga kriza dhe problematika e thellë që ka PD në drejtimin e tij dhe duke u përplasur personalisht dhe fort me Ruçin dhe Ramën, kërkon të duket një opozitar i egër.

Luli është njeriu i marrëveshjes me Edi Ramën është njeriu që ka çuar në parlament deputetët që votuan Gramoz Ruçin, sot ai mori shpërblimin nga Gramoz Ruçi. Luli u shpërblye me rolin e viktimës duke tentuar të tërheqë vëmendjen drejt tij me një lojë politike aq qesharake sa dhe ata që e rrethojnë tek foltorja e kuvendit nuk e besojnë që është e vërtetë. Ajo që ndodhi në parlament ka thjesht dhe vetëm një lexim, Lulzim Basha ai kërkoi Gramoz Ruçit ta përjashtojë që të duket si opozitar./CityNews