E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kritikët e kritikëve të Lulit

5 Tetor 2017, 08:28, Aktualitet CNA

Në skenën mediatike shqiptare dhe atë politike ka pasur gjithmonë disa palë në debate, njëra që mbron linjën zyrtare dhe tjetra që e kundërshton. Duke marrë në analizë situatën në PD atje ndodh krejt ndryshe, nuk ka një debat midis mbështetësve të Bashës dhe kritikëve të tij, por ka një debat të kritikëve me Bashën dhe një kritikë të kritikëve të Lulit.

Një gjë e çuditshme që ndodh për herë të parë në skenën politike shqiptare, zyrtarisht ka opozitë, shpesh flitet për opozitë të opozitës, por në rastin konkret jemi në kushte krejt të tjera.

Nuk kemi opozitë të opozitës, por kritikët e kryetarit të opozitës për shkak të aferave të tij me kryeministrin në pushtet, dështimeve elektorale të vetë opozitës, konkretisht Partisë Demokratike, kritikët janë në një linjë më të ashpër se vetë PD-ja zryrtare. Kryetari përpiqet të jetë më i butë dhe të përfitojë nga qeveria, kritikët e tij janë më të ashpër ndaj qeverisë, por me një lëvizje të fundit kanë kërkuar dhe legjitimimin zyrtar të kryetarit të PD-së.

Kritikët janë më të vërtetë dhe me një opozitë reale, sulmues të fortë të Edi Ramës. Lulzim Basha, kryetari i PD-së, është njeriu që e tërhoqi zvarrë forcën e tij politike pas ?tradhëtisë? që i bëri anëtarësisë me 18 maj 2017.

Kritikët e Bashës sulmojnë qeverinë, por i kërkojnë edhe kryetarit të partisë së tyre legjitimitetin. Një fenomen i ri po ndodh në median shqiptare dhe në politikë. Kritikët e Lulzim Bashës nuk quhen opozitë të opozitës, ata pranohen si opozitë e vërtetë por kritikohen pse kritikojnë Lulzim Bashën për cili lela gabimet e tij, me dhe pa dashje, janë disa qerosë që kur ju del një qime jane gati të djegin kësulen, vetëm që ti shohë kryetari sesi ata kritikojnë kritikët e tij.

Lulzim Basha nuk ka kurajë, sot pas gati pesë muajsh të përballet me kritikët e tij. Lulzim Basha në pesë muaj nuk ka mundur ti ulet përballë Jozefina Topallit, Astrit Patozit, Ridvan Bodes, anëtarëve të kryesisë apo sekretarëve të tij që e akuzojnë. Ai ka frikë nga ata, Lulzim Basha është me komplekse, ju trembet atyre dhe ne një mbledhje të mirë kryesie nuk u doli vetë përballë por përdori disa mbështetës të tij, të cilët nuk diskutonin problematikat, por kritikonin kritikët e Lulzim Bashës.

Një rrymë e re analistësh dhe politikanësh ka lindur në Shqipëri, janë kritikët e kritikëve të Lulit, ndryshe mund të quhen servile, nga njëra anë të urdhëruar dhe paguar të cilët nuk e kuptojnë ose bëjnë sikur atë që po i bëjnë Partisë Demokratike me sjelljen e tyre.

Nuk digjet kësula se tullacit i doli një qime në kokë, thotë një fjalë e urte popullore, por këtë po bëjnë çdo ditë në fakt kritikët e kritikëve të cilët e spërkasin me benzinë dhe i vënë zjarrin kësulës që tju shohë qimen kryetari, por Lulzim Basha është nga ata që qimen e shikon por vesin nuk e ndërron.

Këtë e tregoi edhe me listën e tij të 25 qershorit, ku shumë nga ata që kishin djegur kësulen për tju parë qimen kryetari dhe Luli i hodhi në kosh, ashtu do beje edhe me këtë që perveçse e dogjën kësulen po djegin edhe veten e tyre./ CityNews