ZGJIDHJA: Rama do t’i ushqejë shqiptarët me prodhimet e shteteve sllave

2 Tetor 2017, 09:05, Aktualitet CNA

ZGJIDHJA reagoi për qëndrimin e qeverisë ndaj apeleve të fermerëve shqiptarë për të shpëtuar fshatin nga skamja dhe falimentimi.

Në një reagim në rrjetet sociale, partia e drejtuar nga Koço Kokëdhima, u shpreh se politika e mbrapshtë e qeverisë e gozhdon bujqësinë shqiptare në gjendjen e mesjetës, ndërkohë që që ka nënshkruar për hapje totale të tregjeve në rajon, e cila i shndërron konsumatorët shqiptarë në shtojca të tregut të prodhimeve të bujqësive të shteteve sllave. ZGJIDHJA paralajmëron se produktet e këtyre vendeve do të na mbysin, duke ia vështirësuar edhe më shumë jetën fermerëve tanë, duke rritur varfërinë, papunësinë dhe eksodin shqiptar.

Postimi në rrjetet sociale:

Parlamenti i parë Rural i vendit tregoi edhe një herë në mënyrën më tragjike se në ç?gjendje mjerimi e ka lënë Rama bujqësinë. Sot prodhimi bujqësor i Shqipërisë është i krahasueshëm me prodhimin bujqësor të vitit 1937. ?Na jepni minimumin për të mbijetuar, na jepni ujë dhe rrugë?-kërkuan në Parlamentin rural fermerët e braktisur nga shteti, si në vargjet më therëse të Migjenit, gati një shekull më parë. Kësaj thirrjeje urgjente të bujqësisë shqiptare për një revolucion në investime, qeveria i përgjigjet në mënyrën më të padenjë. Politika e saj e mbrapshtë e gozhdon bujqësinë tonë në një gjendjen e mesjetës. Kjo qeveri tutkunësh, që ka nënshkruar për hapje totale të tregjeve në rajon, ndërkohë që e kemi bujqësinë për faqe të zezë, po i shndërron konsumatorët shqiptarë në shtojca të tregut të prodhimeve të bujqësive të shteteve sllave. Produktet e këtyre vendeve do të na mbysin, duke ia vështirësuar edhe më shumë jetën fermerëve tanë, duke rritur varfërinë, papunësinë dhe eksodin shqiptar. Qeveria rrahu gjoksin në Parlamentin Rural se ka 70 milionë euro nga BE-ja për bujqësinë dhe se do fuska dorën në xhep edhe për 20 milionë euro të tjera. Por me kusht, shton ajo, që bujqësia të arrijë t?i konsumojë këto fonde jo në shumë vjet. Kjo është tallje. A s?e ka kuptuar kjo qeveri se edhe 200 millionë euro investime në vit për bujqësinë janë pak për ta bërë atë konkuruese në rajon? Qeveria pyet (!) se a do të arrijë bujqësia jonë të thithë në disa vjet 90 millionë euro? Kjo qeveri nuk di të punojë. Edhe ato pak fonde që ka dhënë gjithë këto vite i ka destinuar për të subvencionuar votat dhe militantët që punojnë për pushtetin e kryetarit dhe jo prodhimin bujqësor e blegtoral. Maqedonia ka shkuar shumë përpara. Serbia dhe Mali i Zi akoma më përpara se ne. Maqedonia e vog?l, prej shumë vitesh, subvencionon bujqësinë dhe ushqimin me 150 milionë euro në vit vetëm nga buxheti i saj i shtetit. Maqedonia eksporton n? Shqipëri mish e produkte bujqësore, por jo e kundërta. Trafiku është pothuajse i njëanshëm. Kjo është një tendencë që vetëm thellohet. Qeveria jonë ose vërtet nuk ka dije dhe aftësi të kuptojë se në ç?gjendje alarmante është bujqësia, ose ajo, me vetëdije të plotë, punon për ta kthyer Shqipërinë, për sa i përket konsumit bujqësor, rrjedhimisht edhe politikisht, në një republikë të shtuar të Jugosllvavisë së Re!

ZGJIDHJA e ka dhe do ta ketë prioritet numër 1 që Shqipëria ta prodhojë vetë ushqimin bazë të popullit. Më shumë se një çështje ekonomike, siguria ushqimore dhe aftësia e shteteve shqiptare që të prodhojnë vetë ushqimin, lidhet me sovranitetin, sigurinë dhe interesat tona strategjike në përballimin e konkurencës afatgjatë me sllavët më të shumtë në numër, më të organizuar dhe më të fortë se ne. Kështu, siç po i çon punët ky kryeministër i papërgjegjshëm dhe i paaftë, për pak vite, do të bëjë që shqiptarët të ushqehen kryesisht me produktet bujqësore e blegtorale të shteteve sllave të Ballkanit Perëndimor! Shqiptarëve do ju duhen dekada për t?i korigjuar pasojat e kësaj politike.

Bashkohuni me Zgjidhjen!/ CityNews